Burðardygd sum strategiskt leiðsluamboð er til tín, sum hevur tikið Aros MiniMBA:

Hevur tú tikið Aros Mini MBA, er hetta eitt eyka modul, sum vit meta er neyðugt fyri at styrkja teg sum leiðari, við at læra um burðardygd sum strategiskt leiðsluamboð. Flestu fyritøkur og stovnar flyta seg meira og meira móti at útinna burðardygga leiðslu, tí er umráðandi at kenna tíl burðardygga leiðslu. Burðardygd sum strategiskt leiðsluamboð er til tín, sum ynskir at nema tær neyðugu vitanina og amboðini, soleiðis at tú kanst stýra, skilja og leiða ymisk átøk fyri burðardygd og skapa tryggleika í tínum leikluti. Harafturat er endamálið eisini at eggja til, at tú sum leiðari hugsar um og viðger tína egnu ábyrgd í sambandi við burðardygga leiðslu.

Dagurin fevnir um mest týðandi evni, so sum sambandið millum burðardygd og vinnu, hvussu vit eyðmerkja møguleikar og hóttanir, og hvussu vit íverkseta burðardyggar mannagondir sum ein natúrligan part av vinnustrategiini.

Dentur verður lagdur á praktiska nýtslu av verandi amboðum í nýggjum burðardyggum samanhangum – og á týdningin av samskifti (at forða fyri greenwashing og greenhushing), skjalprógvan og positionering.

Burðardygd sum strategiskt leiðsluamboð er eisini til tín, sum ikki hevur tikið MiniMBA, men ynskir vitan um  burðardygga leiðslu.

Íroknað kostnaðin >>

• Undirvísing við royndum undirvísarum
• Møguligt undirvísingartilfar
• Góður matur
  • Morgunmatur
  • Miðmáli
  • Seinnapartskaffi við dessert/køku
  • Kaffi/te, smákøkur og vatn er tøkt allan dagin

Hesum kjarnuøkjum fara vit at arbeiða við á degnum:

• Innlit í og fatan av burðardygd og vinnu
• Eyðmerking av møguleikum og hóttanum
• Leiðarans leiklutur í grønu umleggingini
• Strategisk positionering innan burðardygd og branding
• Ringbúskapur sum strategiskur karmur
• Fleiri botnlinjur – eitt víðka virði umframt vinning

“Eg kann viðmæla MiniMBA’ina til øll við leiðsluábyrgd, tí tað gevur høvi at venda og umhugsa ymisk viðurskifti ein ikki gáðar um í dagligdegnum.
Her eru nógvar aha’upplivingar at heinta.”

Aslaug Gisladóttir, Betri

“Eg havi praktiskar leiðsluroyndir, men fekk meira teoretiska erfaring og persónlig amboð, til at menna meg víðari sum leiðara.”

Bjørg Árnadóttir, Damfar

“Eg havi fingið massar av vitan og amboð til at loysa ymiskar leiðsluuppgávur. Tað hevur verið fantastiskt.”

Gunnvá Svartá Wennerström, Skemman

“Samanhangurin frá strategi niður til persónliga leiðsluskapin, hvussu alt hongur óloysiligt saman. Ikki tí at eg ikki visti hetta, men at fáa týðiliggjørt tað, er sera gott.”

Luttakari

“Eg havi fingið fleiri amboð á einum leiðslustøðið, sum avgjørt kunnu virka fyri einum betri úrsliti í fyritøkuni eg arbeiði í. Tað hevur verið gevandi bæði fakliga og persónliga. Og eg kann nýta amboðini beinleiðis í mínum dagilga arbeiði.” 

Luttakari

“Lærdi hvussu týdningarmikið tað er, at verða sterk í relatiónini …. og um grundvirðini og kulturin á einum arbeiðsplássið.”

Majbritt Holm

“Eg kann viðmælað MiniMBA til leiðarar ella komandi leiðarar, sum ynskja at menna seg persónliga, og annars fáa ein amboðskassa til at hyggja frameftir og verða meira tilvitað um eins styrkir og veikleikar.”
Bjørg Árnadóttir, Damfar

Spennandi MiniMBA verður skjótt boðin út! Fylg við!