Viðskiftatreytir

Gjaldstreytir

Tá ið tú teknar teg til eitt av okkara tiltøkum, er tilmeldingin bindandi og skal vanliga gjaldast beinanvegin. Eru aðrar gjaldstreytir galdandi, verða tær lýstar í sambandi við tiltakið. Fært tú, sum kundi, ikki møtt til tiltakið, hevur tú rætt og møguleika til, at lata plássið til starvsfelaga ella onkran annan.

24 tíma angrirætt

Tú kanst angra tilmeldingina innan fyri 24 tímar eftir, at tú hevur meldað til, tó í seinasta lagi eina viku áðrenn tiltakið byrjar. Send t-post til synergi@synergi.fo, um tú angrar.

Avlýsing

Hevur tú teknað teg til eitt av tiltøkum okkara og harvið játtað gjaldstreytirnar, eru niðanfyristandandi treytir galdandi.

Tilmeldingin er bindandi, og hetta er ikki tengt at, um tú hevur goldið ella ikki.

Tú ert sjálvandi altíð vælkomin at senda annan luttakara fyri teg. Ynskir tú tó at melda frá, ber hetta til við at gjalda niðanfyristandandi avlýsingargjald:

– Avlýsing meiri enn 8 vikur áðrenn tiltakið: 10% av kostnaðinum
– Avlýsing millum 8 og 4 vikur áðrenn tiltakið: 50% av kostnaðinum
– Avlýsing minni enn 4 vikur áðrenn tiltakið: 100% av kostnaðinum

Eru aðrar avlýsingartreytir galdandi, verða tær lýstar í sambandi við tiltakið.

Forfall

Synergi tilskilar sær rættin at finna annað skikkað fólk at hava skeiðið/fyrilesturin, um skeiðsleiðarin/fyrilestrarhaldarin av ávum, sum Synergi ikki frammanundan kann tryggja seg ímóti, ikki fær komið. Tað veri eitt nú sjúka hjá viðkomandi ella avvarðandi, ferðaseinking, bráðkomin støða hjá viðkomandi ella annað, sum ger, at viðkomandi ikki fær møtt. Er talan um hendingar, sum koma undir force majeure, tilskila vit okkum rættin til at útseta/avlýsa skeiðið/fyrilesturin ella at veita skeiðið/fyrilesturin við øðrum skeiðsleiðara/fyrilestrarhaldara.

Fært tú sum luttakari, ikki møtt til eitt tiltak, sum tú hevur teknað teg til, eru omanfyristandandi avlýsingartreytir galdandi. Legg til merkis, at tú altíð er sera vælkomin at senda annan luttakara fyri teg.

Innanhýsis skeið/fyrilestur

Omanfyristandandi reglur eru eisini galdandi, tá tú hevur bílagt innanhýsis skeið/fyrilestur frá Synergi.

Synergi avlýsir

Avlýsir Synergi eitt tiltak vegna ov fáar tilmeldingar, fær kundin sjálvandi peningin aftur. Synergi má í slíkum føri hava eitt kontonummar at flyta peningin aftur á. Her skal viðmerkjast, at vit royna so vítt gjørligt at gjøgnumføra øll okkara skeið/tiltøk og at tað sjáldan hendir, at eitt skeið verður avlýst.

Annað

Aftaná at tú hevur teknað teg til eitt skeið, fert tú av og á at móttaka teldupost við kunning um onnur skeið. Ynskir tú ikki hetta, kanst tú frámeldað teg niðast á fyrsta teldupostinum sum tú fært. So fert tú ikki at fáa kunnandi teldupostar framyvir.

Vit taka fyrivarni fyri broytingum, sum vit onga ávirkan hava á.

Vit tilskila okkum rætt til, at hava skeiðið online, um vit í heilt serligum førum, ikki kunnu halda skeiðið live.