Annika er útbúgvin skrivstovukvinna hjá Landsverkfrøðinginum og hevur diplomútbúgving í leiðslu. Hon arbeiddi í 5 ár hjá Flogfelag Føroya/SMS Turist. Síðani fór hon til Smyril Line, har hon fekk ábyrgdina at byggja upp nýggja flogdeild. Hon var leiðari á flogdeildini í 9 ár og fór síðani at arbeiða á marknaðardeildini, har hon hevði ábyrgdina av marknaðarføringini í Týsklandi, Danmark, Íslandi, Noregi vm. og var eisini verkætlanarleiðari í sambandi við útsmykking av nýggju Nnorrønu. Annika var á Smyril Line, til 2003, tá Ása og hon settu Synergi á stovn.

Ása stovnaði Synergi saman við Anniku í 2003. Hon er útbúgvin sosialráðgevi og hevur eisini arbeitt nøkur ár sum sosialráðgevi í Danmark. Í 1998 flutti hon saman við familjuni til Føroya. At byrja við arbeiddi hon hjá Føroya Arbeiðarafelag og síðani sum starvsfólkaleiðari á Føroya Tele í nógv ár.

Frøkun Striks tekur sær av øllum, sum vit vanliga skriva við smáari skrift. Eitt nú gjaldstreytum og viðskiftatreytum yvirhøvur. Tað er eisini hon sum sendir áminningar vm. Hon kann virka eitt sindur styg, men eisini onkuntíð eitt sindur næsadjørv og smásár. Í veruleikanum er hon eitt skrín, ja, av fittastu fólkum. Og hon heldur stýr á øllum rokningum og bókhaldinum her hjá okkum. Hon hevur arbeitt við slíkum uppgávum í skjótt 90 ár. Man kann næstan siga, at hon uppfann bókhald og rykkjarar. Frøkun Striks kann annars verða ring (les: ómøgulig) at fáa fatur á pr. telefon. Men send eini boð til hana umvegis eina av hinum hjá Synergi, so fært tú svar ordiliga skjótt.