Silas Olufson

Silas Olofson er føddur í 1984, útbúgvin gudfrøðingur og hevur altíð havt ein serligan áhuga í fuglalívi. Silas hevur eygleitt fugl frá barnsbeini av og hevur fingist nógv við fuglafrøðiligt arbeiði, bæði professionelt og sum frítíðarvirksemi.

Umframt at vera fuglakønur er Silas fuglamyndamaður, og brúkar nógva tíð í náttúruni at eygleiða og avmynda fugl. Ígjøgnum nógv ár hevur hann miðvíst avmyndað fugl í Føroyum, við tí fyri eyga at útgeva eina fuglabók við myndalýsingum av fuglalívinum í Føroyum.