Fyrsta rokniarkið

• Yvirlit yvir, hvussu Excel er uppbygt og hvussu tú best skilur endamálið við Excel
• Hvussu gert tú einfaldar formlar?
• Hvørjar reglur eru galdandi, tá tú upprættar formlar?
• Hvussu rættar tú í formlum og cellum? Og hvussu setur tú eyka tekst ella tøl inn?

Handfaring og redigering av rokniarkinum

• Upprætta fleiri rokniark
• Hvussu gevur tú ørkunum nøvn, so tey geva meining?
• Hvussu flytir og kopierar tú eitt rokniark?
• Hvussu flytir og kopierar tú cellur, kolonnir og røð?
• Hvat merkir “autofyld” og hvussu brúkar tú hetta á ein snildan hátt?

Formatering og at skriva út

• Hvussu fært tú tilpassa røð og kolonnir, eitt nú í breiddini, á ein skjótan hátt?
• Formatpensilin – sum annars er ein SERA snild funka í Officepakkanum – hvussu brúkar tú hann í Excel?
• Tá tú hevur formaterað eina cellu sum t.d. ein dato, vil hendan formateringin “hanga uppií” celluni, hóast tú slettar innihaldið.
• Hvussu kanst tú eisini sletta formateringina og soleiðis reinsa allar “gamlar” kodur í celluni?
• Hvussu skrivar tú út, so øll informatiónin er við á somu síðu?
• Hvussu kanst tú seta logo, síðutøl og annað inn

Formlar og tabellir

• Absoluttar og relativar cellir. Hetta er sera týdningarmikið at duga, tá tú arbeiðir við Ecxel. Vit læra hetta frá grundini og tryggja, at tað situr hjá luttakarunum.
• Hvussu kanst tú yvirføra tøl ella úrslit frá einari cellu til eina aðra?
• Sortera í stórum listum.
• Hvussu kanst tú brúka funkuna autofilter fyri at fáa yvirblikk yvir stórar listar?

Funktiónir og grafikkur

• Hvussu virka og brúka vit snildu funkurnar HVIS, SUM, MIÐAL, MAX. osfr.?
• Hvussu leggur tú myndir inn á Excel og nær er tað relevant?

Diagrammir

• Vit læra at upprætta diagrammir út frá ymiskum rokniuppstillingum. Eitt nú stabbadiagrammir, “lagkøkudiagram” osfr.
• Hvussu kanst tú tilpassa diagrammið, hvussu kanst tú taka fleiri tøl við ella minka um tølini, sum tú av fyrstani tíð tók við í títt diagram

Annað

• Hvørjir møguleikar eru fyri at goyma títt Excelskjal, eitt nú sum pdf
• Hvussu kanst tú senda skjalið til tín samstarvsfelaga?
• Kann man tryggja Excelskjalið við einum loyniðorðið? Hvar og hvussu gjørt tú tað?

Skeiðið verður í telduskúlastovuni hjá Gjaldstovuni.
Kvíggjartún 1.
Á Argjum.

Altso í Glasbygninginum.

Og ja, tað er Albert Hall 😉

Skeiðið vendir sær til tey, sum hava hug til, ja kanska í longri tíð hava havt hug til, at læra tær grundleggjandi, týðandi og mest brúktu funkurnar í Excel. Tú hevur lítlar ella ongar royndir við Excel frammanundan, men vit rokna við, at tú dugur at brúka teldu.

Aftaná skeiðið, senda vit eina faktura til Gjaldstovuna. Gjaldstovan avroknar síðani beinleiðis við stovnin hjá tær.

Legg til merkis, at tað er bindandi tilmelding. Tó hava vit 24 tíma angrirætt.

Fært tú forfall, ert tú sera vælkomin at senda ein annan fyri teg.