Tú ert ikki einsamøll/ur, um tú hevur hug at halda fyri oyruni, tá tú hoyrir um GDPR
– men tú verður glað/ur, tá tú hevur fingið yvirlit yvir tað!

Tað kann kennast eitt sindur ógvusligt, tá vit hoyra um GDPR. Sum um vit ikki fáa arbeitt, tí vit skulu uppfylla so nógv krøv. Men hvør veit, kanska skulu tit bara gera fáar og einfaldar justeringar? Tað fært tú yvirlit yvir, á hesum skeiðinum.

Kom og fá innlit í krøvini í nýggju Dátuverndarlógini

Hetta er faktiskt eitt sera hugaligt skeið, betri enn tú heldur. Kom og lær reglurnar um varðveiting av persónsupplýsingum, og slepp undan stórari bót. Tað kunnu tey flestu fyrihalda seg til.

Upplýsingar um fólk – teg og meg – eru at finna allastaðni. Men tað er ikki líka mikið, hvussu tit sum fyritøka/stovnur goyma hesar upplýsingar.

Kom á skeið og fá eitt gott innlit í, hvussu tú handfer upplýsingarnar rætt. Finn útav um tit, á tínum arbeiðsplássi, eru innan fyri ella uttan fyri reglurnar.

Fá vitan og ítøkilig amboð heim við

Á skeiðinum verður ein gjøgnumgongd av nýggju dátuverndarlógini, har luttakararnir fáa ítøkilig ráð og amboð til at uppfylla krøvini í nýggju lógini í dagliga arbeiðinum. Dentur verður lagdur á at hava eina praktiska tilgongd til reglurnar.

Undirvísari | Helga á Borg

Brellbitar úr skránni:

• Hvat er persónsupplýsingar?
• Hvat er GDPR?
• Hvørji grundleggjandi krøv til viðgerð av persónsupplýsingum skal fyritøkan lúka ísv. dagligu málsviðgerðina?
• Meginreglur
• Farspor (cookies)
• Viðgerðarheimild
• Krøv um kunning og dokumentatión
• Rættindi hjá skrásetta
• Innanhýsis skjøl og mannagongdir og onnur skjøl
• Viðgerðartrygd
• Handfarin av trygdarbroti
• Viðgerð av persónsupplýsingum í sambandi við setanarviðurskifti

Luttakarar siga:

“Eg var ikki stúrin, men meira forvitin, tí tað er so ringt at finna upplýsingar um sovorið uttan at kontakta onkran sakførara.”

Luttakari frá fakfelag

“Eg var serliga glaður fyri at hoyra um fleiri ítøkilig dømir, sum Helga kom við.”

Teldumaður

“Eg havi fingið nakrar óvissir uppá pláss, sum eru sera týdningarmiklar. Týdningarmiklar, tí um mann ikki geri tingini sum lógin ásetur, so forbrýtur mann seg, sum í ringasta føri hevur bót við sær.”

Luttakari frá almennum arbeiðsplássi

“Nú dugi eg betur at síggja týdningin av at goyma data og vit fingu kunning um, hvat ið eru og ikki eru viðkvæmir upplýsingar og at aðrar lógir kunnu “yvirrula”.

Luttakari frá privatum arbeiðsplássið

“Eg var stúrin fyri at hon fór at “fleingja” støðuna á arbeiðsplássunum  í FØ.”

Luttakari frá privatum arbeiðsplássið

“Eg kann viðmæla øllum skeiðið, sum eru dátuábyrgdarar og gera váðametingar í sambandi við viðgerð av persónupplýsingum.”

Luttakari frá almennum arbeiðsplássi

Kom við og fá yvirlit yvir dátuverndarlógina
– jú fyrr, jú betur!