Search by
Komandi skeið og tiltøk
Skeið 22. apríl 2024

ChatGPT og vitlíki | Kom gott í gongd

22. apríl 2024
09:00 - 15:30
Áarvegur
Tórshavn
Danskt
Undirvísingarmál
2.999,- u/mvg.
Kostnaður
Melda til

Eru tit byrjað at brúka ChatGPT í tykkara arbeiði?

Ella kundu tit kanska hugsað tykkum at komið gott í gongd við tað og annað AI (vitlíki)? Kom við til hetta grundleggjandi skeiðið.

 

Kom og lær at brúka ChatGPT og aðrir chatbottar og fá eitt gott yvirlit yvir hvat vitlíki er

Vitlíki, ella AI (Artificial Intelligence) breiður seg við rúkandi ferð, bæði í okkara privatlívi og arbeiðslívi. Hetta hevur við sær, at vit skulu venja okkum við ein heilt nýggjan máta at arbeiða uppá. Og tað ræður um at fylgja við, tí tøknin drønar av stað – og tað er skjótt at gerast eftirbátur.

Á skeiðinuim fært tú eina grundleggjandi vitan um, hvat vitlíki er, og hvat tað kann brúkast til.


Vit leggja serliga dent á ChatGPT

Skeiðið hevur eitt praktiskt útgangstøði, soleiðis at tú lærir hvat tú kanst brúka vitlíki til í tínum arbeiði og hvussu tú ítøkilig kanst fáa gagn av tí.


Brellbitar úr skránni: 

✅ Um vitlíki

✅ ChatGPT

✅ Bard (AI assistenturin hjá Google)

✅ Microsoft Copilot

✅ Lóggáva

✅ Annað – sí alla skránna á høgra bredda


Kom á skeið og lær eina rúgvu um, hvussu tú kanst fáa gleði av vitlíki.

 

Undirvísari
Brian Nygaard Oswald Cand. jur. Les meira

Brian Nygaard Oswald

Brian er Cand. jur. og serkønur undirvísari við serligum eginleika at greiða frá fløktum evnum á ein hátt, so øll skilja tað. Hann hevur undirvíst í m.a. GDPR og elskar at nørdast við nýggjari tøkni – og kann sigast at vera ein juridiskur superbrúkari. Hann hevur hildið fleiri skeið í Føroyum, har hann hevur fingið sera góðar eftirmetingar.

Á skránni

Um AI – vitlíki

  • Hvat er vitlíki
  • Hvussu skilur vitlíki seg frá øðrum teknologium?
  • Hava vit tørv á vitlíki?
  • Vit hyggja frameftir: Hvar eru vit um 1 og 2 ár?

ChatGPT

  • Hvat er ChatGPT?
  • Hvussu virkar ChatGPT?
  • Dømi um hvat ChatGPT kann brúkast til?
    • Leitan eftir upplýsingum
    • Fáa hugskot (t.d. til tíðindabrøv)
    • Uppskot til brøv og teldupostar
    • Storytelling (kreativ skriving)
    • Gera samandrátt av/fáa yvirlit yvir størri dáta
    • Svara ítøkiligum spurningum
  • Framleiða umsóknir og svar uppá umsóknir
  • Hvørji mál kunnu brúkast?
  • Praktisk dømi: Soleiðis brúkar tú ChatGPT
  • Hvussu setir tú røttu spurningarnar (”prompte”)?

Bard (AI assistenturin hjá Google)

  • Hvat er Bard?
  • Hvussu virkar hann?
  • Hvat er munurin á Bard og ChatGPT?
  • Praktisk dømi: Soleiðis brúkar tú Bard
  • Dømi um hvat Bard kann brúkast til

Annað:

  • Chatbottar sum heild
  • Forrit, sum gera myndir út frá teksti (fx. MidJourney)
  • Integratión av vitlíkis forritum og egnum forritum
  • Etikkur og moralur: Hvat skulu vit ikki spyrja um? Og hvørjum kunnu/sleppa AI forrit ikki at svara?
  • Dømi um hvat ávísar starvsgreinar kunnu brúka vitlíki til (heilsuverkið, sakførarar, smáar fyritøkur o.s.fr.)

Lóggáva:

  • Komandi EU lóggáva um vitlíki: Status
  • Hvørjir reglur eigur tú at geva tær far um (t.d. GDPR), tá tú nýtir vitlíki?
  • Eitt sindur um upphavsrætt o.l. til tekstir
Málbólkur

Skeiðið er fyri teg, sum kundi hugsað tær at fingið grundleggjandi vitan um vitlíki (AI), og hvat tú kanst brúka tað til.

Nú vitlíki ger innrás í mest sum øll øki, vendir skeiðið sær til fólk innan øll starvsøki.

So óansæð um tú ert:

  • Leiðari
  • Marknaðarfólk
  • Skrivstovufólk
  • Løgfrøðingur
  • HR-fólk
  • Lesandi
  • Tíðindafólk
  • Fíggjarfólk
  • Heilsustarvsfólk
  • Lærari

Ella kanska okkurt heilt annað, so kanst tú fáa stóra gleði av hesum skeiðinum.

Skeiðið telur 7 lektiónir

Skeiðið telur við 7 lektiónum í kravdu eftirútbúgvingini fyri advokatar og revisorar, hóast hetta er eitt all-round grundskeið fyri øll og sostatt ikki málrætta til advokatar og revisorar.

At hava við...

Tað er sera hent at hava farteldu, teldil ella snildtelefon við. So kanst tú royna teg meðan undirvíst verur 😊

Hvar er skeiðið?

Skeiðið verður á Hotel Hafnia, Áarvegur 8, 100 Tórshavn

Eitt sera gott og viðkomandi skeið har vit blivu presenteraði fyri nýggjari tøkni. Tað var serliga gott, at vit fingu góða frágreiðing áðrenn skeiðið og kundu fáa okkum appini á tlf.

– Luttakari november 2023

10 stjørnur til skeiðið sum heild, til undirvísara, tænastu, hølir og mat!

– Luttakari november 2023

Frálíkt skeið ! Undirvísarin var livandi og sera góður. Ilt at siga, hvat var serliga gott, haldi alt var gott!

– Luttakari november 2023

Eitt sera gott og áhugavert skeið, har skeiðshaldarin dugdi sera væl at leggja fram og halda áhugan! Sera góður undirvísari!

– Marjun Lützen, Javni

Gott skeið, sum kom væl runt í ymiskum chatbottunum, lóggávu, framtíðartøkn v.m. Har var góð variatión í innihaldinum, so man keddi seg ikki. Ein góður máti at fáa størri innlit í vitlíki.

– Doris Djurhuus, Miðnám á Kambsdali

Sera góður og spennandi fyrilestur, og sera viðkomandi fyri framtíðina. Sjálvt evni var spennandi, og tað at undirvísarin helt evni uppímóti, hvussu smart amboð tað er og samstundis taka tað etiska, skullu vit lata ein teldurobott stýra, hvat vit svara og gera.

– Fróði Berbisá , Strandamáling

En knastør jurist møder Anders Matthesen - så har man Brian :D - 10 stjerner!

– Tanya Møller, Landsbókasavnið

Details

Date:
apríl 22
Time:
09:00 - 15:30
Event Categories:
, , , ,

Venue

Hotel Hafnia
Áarvegur
Tórshavn, 100 Faroe Islands
Phone
313233
View Venue Website

Tickets

The numbers below include tickets for this event already in your cart. Clicking "Get Tickets" will allow you to edit any existing attendee information as well as change ticket quantities.
Tickets are no longer available