Vælkomin v/Synergi og orðstýrara, Óluvu Zachariasen

Kristian Eli Andersen | Vel tankar, sum styrkja heldur enn tyngja

Tóri Slættalíð | Copilot – nýggi starvsfelagin, sum altíð er tøkur

Johanna Andreasen | Kenn typurnar, tú arbeiðir saman við og styrk samskiftið

Ri-AI | EMPLOYEE 2.0™, AI-drivin arbeiðsgleði

Slepp óneyðugari stúran og yvirhugsan.

Í eini verð, merkt av broytingum og óvissu, kunnu vit ikki altíð stýra tí,
sum hendir – men vit kunnu stýra okkara atferð og okkara máta at handfara støðuna.

Kristian Eli Andersen vísir, hvussu vit kunnu seta fokus á styrkirnar, virðini og møguleikarnar, vit hava –
og sum vit ofta gloyma, tá stúran, strongd og yvirhugsan fylla ov nógv.

Tú fært innlit í nakrar avbjóðingar, sum føroyingar stríðast  við í dag –
og hvussu kognitiv og metakognitiv amboð kunnu geva størri sálarligt frælsi og minni yvirhugsan.

Fyrilestrahaldari | Kristian Eli Andersen

Kristian Eli er autoriseraður sálarfrøðingur við serútbúgvin í kognitivari terapi (CBT), metakognitivari terapi (MCT) og hevur gjøgnum fleiri ár lagt dent á fakliga menning og eftirútbúgving. Hann er eisini útbúgvin innan Ta motiverandi samrøðuna (MI). Hann arbeiðir sum sálarfrøðingur og við coaching av leiðarum og ítróttafólki, og ráðgevur arbeiðsplássum um trivnað, fyribyrging og handfaring av strongd.

Copilot er vitlíki-forritið hjá Microsoft. Fleiri kenna hetta sum ein kjattbottur, sum t.d. ChatGPT. Men Copilot er meira enn bara ein kjattbottur – Copilot er innbygt í Microsoft 365 og arbeiðir saman við teimum væl kendu Microsoft-forritunum, sum Outlook, Word, Excel og PowerPoint.

Í hesi framløguni hyggja vit at teimum møguleikunum, sum Copilot í Microsoft 365 gevur. Millum annað, hvussu Copilot kann arbeiða saman við tínum skjølum, teldupostum og dátum og á ein ítøkiligan hátt verða ein starvsfelagi, ið hjálpir tær í tínum dagliga arbeiði.

Fyrilestrahaldari | Tóri Slættalíð

Tóri Slættalíð er útbúgvin fólkaskúlalærari og hevur eina kandidaútbúgving í KT, læring og organisatorisk umstilling. Tóri starvast dagliga sum námslektari á Námsvísindadeildini á setrinum. Hann hevur nógvar royndir bæði at arbeiða saman við brúkarum á byrjanarstøði og saman við víðarikomnum brúkarum, innan alskins forrit.

Lær at samskifta við allar typur, so tað ikki kennist sum at samskifti er lætt við summi og óneyðuga trupult við onnur. Við støði í Garuda fært tú innlit í tær ymisku persónstypurnar og hvussu ymisk arbeiðs- og samskiftismynstur ávirka samstarvið í gerandisdegnum. Tú fært vitan um, hvussu tú samskiftir á ein góðan hátt við ymiskar typur, og fært eina betri fatan fyri, hví fólk reagera ymiskt – serliga tá tey eru undir trýsti ella í truplum støðum.

Tú fert helst at kenna bæði teg sjálva/n og fleiri av tínum starvsfeløgum aftur, tá vit læra um ymisku typurnar í Garuda.

Tú fært m.a. innlit í:
✓ hvussu ymiskar persónstypur hugsa, arbeiða og samskifta
✓ hvat motiverar ymisk fólk
✓ hví misskiljingar og frustratiónir stinga seg upp
✓ hvussu tú kanst tillaga títt samskifti til ymiskar typur
✓ hvussu tú kanst handfara trupul fólk og truplar støður á arbeiðsplássinum

Fyrilestrahaldari | Jóhanna Andreasen

Johanna Andreasen er útbúgvin sjúkrarøktarfrøðingur við serútbúgving innan kognitiva viðgerð. Harafturat er hon útbúgvin innan positiva sálarfrøði, mindfulness MBCT og Coaching. Jóhanna er certificerað innan Garuda.
Hon nýtir kognitiva viðgerð í sambandi við ótta, depressjón og persónliga menning, og arbeiðir við at menna fólk í sambandi við teirra arbeiði. Eitt nú at gerast betri leiðarar, ítróttarfólk, røkka nýggj mál og basa mentalum forðingum við coaching.

Í Employee 2.0™ gevur Ri-AI eitt eksklusivt innlit í framtíðar arbeiðsplássið, har algoritmur, animationir, AI og optimal arbeiðsgleði ganga hond í hond.

Fyrilestrahaldari | Ri-Ai

Ri-AI er serfrøðingur innan arbeiðsoptimering og AI-drivna arbeiðsgleði. Hon hevur seinastu árini arbeitt seriøst við at menna Employee 2.0™ – eina framtíðar loysn, har menniskju, tøkni og arbeiðsgleði sameinast í einum optimalum arbeiðsdegi.

Skrivstovudagurin kostar 2195 kr. + mvg fyri hvønn, um tú keypir í seinasta lagi 31. august, so tað er einki at bíða við:).

Eftir 31. august er prísurin 2395 kr. + mvg

• Íroknað prísin eru kveikjandi og forkunnugir fyrilestrar, gott kaffi og te, leskiligt ábit, okkurt søtt umframt góður felagsskapur við onnur, sum arbeiða innan sama øki sum tú.

Fá avsláttur, um tit eru 5 ella fleiri í somu bílegging.

Galdandi fram til 31. august kl. 12:

5–9 luttakarar: 2095 kr + mvg pr. persón
Avsláttarkoda: SKRIV5

10+ luttakarar: 2045 kr + mvg pr. persón
Avsláttarkoda: SKRIV10

Avsláttarkodan virkar bara, um minst 5 luttakarar eru í somu bílegging.

Tit kunnu eisini senda okkum nøvnini á luttakarunum við telduposti, so skráseta vit tað fyri tykkum. Tað er eitt sindur lættari:).

Eftir 31. august kl. 12

• 5–9 luttakarar: 2295 kr + mvg pr. persón
  Avsláttarkoda: SKRIV5
• 10+ luttakarar: 2245 kr + mvg pr. persón
  Avsláttarkoda: SKRIV10