• Vælkomin v/Synergi og verti Óluvu Zachariasen
• Hákun Djurhuus, Ársins privati leiðari 2024 | Setan
• Eva Z. Bentsen | Leiðsla í framtíðini
• Sofaprát Ingibjørg Berg og Óluva Zachariassen: Týdningurin av millumleiðaranum
• Herðaklappið til millumleiðaran verður latið á fyrsta sinni
• Ingunn Eiriksdóttir, Ársins privati leiðari 2024 | Úr skjáttuni
• Elsebeth Hauge | Skomm hjá leiðarum
• Kjósan Ársins leiðarar 2025
• Vit fagna Ársins leiðarar og vinnaranum av Herðaklappinum við boblum
• Kveikjandi dagurin endar

Farið verður beint til super festliga netverks 5’aran við ekslusivum 2025 StandUp við Ari Eldjárn, lekrum hapsarum, 3 x antin øl, vín, cider, sjuss ella sodavatn.
Vit fara at flenna, so tárini renna🤣.

Tekna teg serskilt til festliga netverks 5’aran🤩

Broytingar kunnu koma fyri í skránni. Synergi tilskilar sær rættin at finna annað skikkað fólk ella lata øðrum uppleggshaldara meira tíð, um skeiðsleiðarin/fyrilestrarhaldarin el. líkn., av ávum, sum Synergi ikki hevur nakra ávirkan á, ikki møtir til ætlaða tiltakið. Vit tilskila okkum rætt til, at hava skeiðið/tiltakið/fyrilesturin el. líkn. online, um vit í heilt serligum førum, ikki kunnu halda skeiðið live.

Eva Zeuthen Bentsen | Leiðsla í framtíðini | Ein ørgrynna av krøvum og møguleikum – tak av!

Eva Zeuthen Bentsen hevur fleiri ára royndir við toppleiðslu í tí almenna. Harumframt hevur hon verið ráðgevi og hjálpt fleiri privatum fyritøkum við strategimenning og rekruttering. Hon er limur í Ledernes panel, sum velur ársins leiðara í Danmark.

Á Leiðaradegnum 2025 fer hon at geva sítt boð uppá, hvørji krøv eru til tann almenna og privata leiðaran, og hvat man kann læra av hvørjum øðrum. Hon fer at tosa um leiðslu í framtíðini, og hvussu tú sum leiðari kanst handfara og arbeiða við at gera mannagondir til at halda alsamant vaksandi krøvini, sum verða sett fyritøkum og stovnum.

Elsebeth Hauge | Skomm hjá leiðarum

Skomm hjá leiðarum er eitt tabuevnið, sum Elsebeth Hauge hevur sett á breddan við leiðslubókini ”Lederskam”, har 25 toppstjórar og leiðarar í Danmark ærliga siga frá, um tað, teir mest skammast av í sínum arbeiði sum leiðari. Gerðir, hugsanir, atburð og fordómar, sum teir ikki hava sagt øðrum frá, tí teir skammast.

Flestu leiðarar kenna seg aftur í at skammast av onkrum, teir hava gjørt, ella kanska nevniliga ikki gjørt ella hugsað í sínari leiðslu. Onkur avgerð, sum ikki var heilt rættvís, onkur støða, har teir góvu onkrum fyrimun fram um annan ella onkra støðu, har teirra hugsan kanska ikki tolir dagsins ljós. Grundleggjandi eru vit ordilig menniskju og ynskja flestu leiðarir at fremja rættvísa, ordiliga leiðslu – men, vit eru eisini vanlig menniskju við vanligum kenslum. Elsebeth Hauge fer at tosa um tabuevnið skomm í leiðslu, sum flestu leiðarar – eisini – kenna til.

Nýggjur heiður: Herðaklappið til millumleiðaran

Tað er vælkent frá starvsfólkanøgdsemiskanningum, at nærmasti leiðarin hevur størsta týdningin fyri trivnaðin hjá einstaka starvsfólkinum. Enntá størri týdning enn umdømi og avrikini hjá ovasta leiðsluni, sum hinvegin ofta er á breddanum í almenna rúminum. Tí er tað eisini upplagt at heiðra leiðarar á millumstigi á Ársins Leiðaradegi. Endamálið við Leiðaradegnum er jú at seta góðu leiðslu á breddan í føroyska samfelagnum.

Ein dugnaligur millumleiðari skapar samband millum strategiska leiðslu og dagliga raksturin, gevur starvsfólkum íblástur og stuðlar bæði trivnaði og úrslitum. Heiðurslønin skal heiðra einum millumleiðara, sum verður tilnevndur og valdur út frá greiðum og góðkendum treytum fyri góðari leiðslu á millumstigi.

Ítøkiliga verður heiðurin latin millumleiðara, sum í størri ella minni mun er eyðkendur av fylgjandi:

• Áhugaðari leiðslu: Evnini at motivera og skapa eldhugaði starvsfólk við greiðum samskifti, innliving og nærveru.
• Úrslitafokus: Røkkur ítøkiligum úrslitum gjøgnum skilagóða ætlanarlegging og samstarv. Úrslitini nýtast ikki at vera fíggjarlig.
• Nýhugsan og menning: At stuðla undir nýskapan og at skapa karmar fyri fakligari og persónligari menning hjá starvsfólkunum.
• Trivnaður og felagsskapur: At skapa eina jaliga og fevnandi arbeiðsmentan, har øll kenna seg virðismett.
• Strategisk hugsan í verki: At tryggja, at virksemi stuðlar undir høvuðsmálunum hjá organisatiónini.

Heiðurslønin verður á fyrsta sinni latin á Ársins Leiðaradegi  31. januar 2025.

Sum nakað nýtt hava vit skift siðbundnu veitsluna út við festligan netverks 5’ara beint eftir Leiðaradagin 🤩

Á skránni verður super festligt StandUp show við ongum minni enn kenda íslendska skemtaranum:

Ara Eldjárn

Afturat StandUp fáa tit leskiligir hapsarar, 3 x antin vín, øl, cider, sjuss ella sodavatn.
Netverks 5’arin kostar einans 695,- + mvg.
5’arin byrjar sjálvsagt klokkan fimm og er í uml. 2,5 tímar. 🍷🍽🍾

Leiðaradagurin 2025 kostar 2995 kr. + MVG pr. persón.

– Íroknað prísin eru kveikjandi og forkunnugir fyrilestrar, møguleiki fyri góðari netverkan og okkurt gott undir góman.

Netverks 5’arin kostar einans 695 kr. + MVG pr. persón.

– Íroknað prísin eru lekkrir hapsarar, 3 x antin vín, øl, cider, sjuss ella sodavatn. Og ikki minst ekslusivt Stand Up við kenda íslandska skemtaranum Ari Eldjárn.

Eru tit 3 ella fleiri frá sama arbeiðsplássi?

Um tit tekna tykkum saman, so fáa tit 300 kr. í avsláttri per persón 🤩

Nýt avsláttarkotuna: LD25

Legg til merkis: Avsláttarkodan riggar bert, um tit tekna í minsta lagi 3 í somu bílegging.

Tit kunnu eisini senda okkum nøvnini við telduposti, so ordna vit tað fyri tykkum:). Tað er tað lættasta:)