Undirvísingardagur 1 | Typur og coaching

Hendan fyrsta dagin lærir tú eitt sindur um ymiskar typur og kanska finnur tú útav hvør typa tú ert?

Greitt verður eisini frá um coaching, og hvussu tú kanst brúka teir coaching tímarnar tú fært, í samband við hesa útbúgving.

Harafturat gerast luttakararnir hendan fyrsta dagin patrur av tí bólkinum, tey koma at arbeiða saman við ígjøgnum útbúgvingina.

Undirvísarar: Bergtóra Høgnadóttir og Oddbjørg Johansen

Undirvísingardagur 2 | Persónligur effektivitetur og megi 

Tú venur arbeiðsløg, sum tú lærdi í fyrstu lærubók, soleiðis at tú fært bilbugt við tíðarrænararnar og tú kanst seta brennidepilin á tað týðandi í gerandisdegnum.

Tú fært íblástur til nýggjar og meiri gagnligar vanar, sum gera gerandisdagin stuttligari og lættari at yvirskoða.

• Kenn teg sjálva/-n – ger eina persónsgreining og fá greiðu á, hví tú hugsar og handlar, sum tú gert.
• Lær at arbeiða smart heldur enn hart
• Ver medvitað/-ur um ringar vanar, sum eru forðingar fyri effektiviteti
• Skapa tíð til menning og fordjúpilsi
• Fá góð ráð um viðgerð av t-postum
• Lær um venjingar at løða battaríini
• Ger tína egnu handlingsætlan fyri at fáa meiri orku og størri yvirskot í gerandisdegnum

Undirvísari: Karin Jessen – hevur sera nógvar royndir og sær møguleikar heldur enn forðingar.

Undirvísingardagur 3 | Samskifti og handfaring av ósemjum

Gerst dugnaligari í samskiftisheiminum. Lær, hvussu tú sjálv/-ur kanst ávirka samveru og samrøðu við onnur og fá ítøkilig amboð til álítandi og hugaligt samskifti.

Tað verður ein aktivur dagur við venjingum, samrøðum í undirvísingarhølinum og við dømum frá undirvísaranum.

• Ven teg at lesa samstarvsfelagar og at laga títt samskifti
• Fá tað sagt, sum tú vilt siga – lær um arbeiðslag, sum tú kanst brúka til framløgur
• Fá amboð at brúka, tá fjáltur kemur á teg
• Fá venjing í at handfara ósemjur ítøkiliga – lær um tað, sum virkar málsliga og um atburð, sum minkar um ósemjur
• Hvussu sleppur tú undan, at ósemjur seta seg “í kroppin” – lær at fáa upplivingina burtur frá tær

Undirvísari: Berit Weise, viðurkendur ráðgevi og sjúkrarøktarfrøðingur.

Undirvísingardagur 4 | Lær tey snildu tingini í Outlook, Excel & Word

Hesin undivísingardagurin víkir frá hinum, sum allir í stóran mun handla um sjálvsmenning. Ístaðin fyri at hyggja inneftir, fara vit her at hyggja inn í ein telduskerm og læra alt møguligt spennandi, sum kann geva okkum meiri yvirskot dagligdegnum.

Hendan dagin fáa vit eina rúgvu av tipsum og triksum til, hvussu vit kunnu arbeiða effektivari og smartari við Officepakkanum.

Tvs. at vit fara at læra nógv ymiskt nýtt frá hesum forritum:

• Word
  • Lær at brúka skjótatgongd til hentar funkur
  • Lær at senda teldupost til nógv fólk í senn, tó við ymiskum boðum til hvønn ávísa móttakara
  • Hvussu brúkar tú autotekstir?
  • Hvussu brúka vit typografi’ir?
  • Lær at innseta framsíðu og innihaldsyvirlit
  • oma.
• Excel
  • Lær at brúka filtur til at halda skil á stórum tabellum
  • Lær at brúka hentu funkuna frys ruder
  • Grundleggjandi um formlar
  • Nær brúkar man sum, min., max., middel
  • vm.
• Outlook
  • Hurtige trin
  • Mappur og leitimappur
  • Lær at brúka leitifunkuna betur
  • Signatur uppá tann snilda mátan
  • Fylgja upp uppá uppgávur við fløggum
  • Kategori’ir
  • vm.

Gleð teg til ein spennandi dag, har vit spíska okkara førleikar innan tey telduforrit, sum vit dagliga brúka.

Undirvísari: Ása Andreasen

Undirvísingardagur 5 | Positiv sálarfrøði í verki

Venjing ger meistarar! Ven positiva sálarfrøði og blív betur til at fylla gerandisdagin við motivatión og arbeiðsgleði.

Tað gevur tær hug at fáa tað besta burturúr lívinum á positivan og motiverandi hátt.

• Fá venjingar at menna tína arbeiðsgleði við positivari hugsan
• Tak ábyrgd av egnari motivatión – hvat eggjar teg mest í starvinum?
• Finn 5 av tínum bestu førleikum og ger meira av tí, sum tú ert góð/-ur til – og sum gevur orku
• Lær einfaldar venjingar innan mindfullness. Tað fyllir battaríini
• Ger eina ætlan fyri tína persónligu menning – hvat ynskir tú frameftir?

Undirvísari: Jóhanna Andreasen

Persónligur effektivitetur og megi – fá meiri orku og størri yvirskot

At vit klára at avgreiða okkara uppgávur og eru før fyri at halda høvdið kalt, tá ið á stendur – hevur alstóran týdning um vit skulu trívast í okkara starvi.

Á fyrsta moduli fært tú ítøkilig amboð at gerast meira effektiv/-ur, soleiðis at tú ikki brennir ljós títt í báðum endum. Tú fært loyst tína orku og kanst í størri mun raðfesta tína tíð sjálv/-ur.

Tað gevur javnvág í gerandisdegnum

• Fá amboð at dagføra tínar uppgávur í einum rokutum gerandisdegi
• Lær at handfara avbrot á ein góðan hátt
• Fá bilbugt við at útseta ting og við at alt skal vera fullkomið
• Kenn aftur ymsu tíðarsløgini og lær meira um egið handlingsmynstur
• Tey 5 neyðugu stigini til at broyta vanar
• Fá hættir at taka burtur ringastu orkuslúkararnar og til at løða battaríini aftur

Høvundur: Karin Jessen, PS4 A/S – royndur høvundur og mennari.

Klárt samskifti – menn tína slagmegi og orku

Fá tey úrslit, sum tú fegin vilt hava – og ver sjálv/-ur við alla tíðina.

Modul 2 tekur teg gjøgnum eina tilgongd, har tú lærir at samskifta í samanrenning við egnum ætlanum, virðum og kenslum.

Tað mennir tíni sambond og tína slagmegi 

• Laga títt samskifti til ymiskar persónsmenskur – og kom skjótari á mál við uppgávunum
• Lær at samskifta við slagmegi – so tú verður hoyrd/-ur, sædd/-ur og so at tey minnast teg!
• Fá innlit í assertivt samskifti
• Lær at siga hart og greitt “ja” og “nei”
• Sum tú spyrt, fært tú svar…. Hvussu setir tú góðu spurningarnar?

Høvundur: Jette Skeem – sjálvstøðugur ráðgevi og nógv róstur høvundur.

At handfara ósemjur og strongd

Flestir arbeiðsdagar fara uttan stóru ósemjurnar. Hinvegin kennir tú kortini helst kensluna av, at tú fekst ikki sagt okkurt, ella at tú møguliga reageraði nakað harðliga í eini ávísari støðu.

Við hesi lærubókini fært tú vant atburð í ósemjustøðum. Harumframt fært tú nærri kunnleika til strongd, og hvussu tú sleppur undan, at gerandisrokið setir seg fast.

• Lær at taka ósemjur áðrenn tær gerast ov stórar
• Ósemjutrappan – kenn tey 4 stigini
• Fá góð ráð um at fara um persónar, sum tú áður hevur verið ósamd/-ur við
• Hvussu kemur strongd, og hvat ger hon við okkum?
• Fyribyrg strongd og fyribyrg at steðga upp – stýr egnum lívi og bygg upp treystleika

Høvundur:  Berit Weise, PS4 A/S – viðurkendur ráðgevi og sjúkrarøktarfrøðingur

Verkætlanarsamskipan og samstarv 
– vit fylla amboðskassan

Tey flestu arbeiða lutvíst ella heilt í verk- ætlanum, og tey skulu ofta samstarva ella bíða eftir at onnur koma við teirra íkasti, fyri at kunna koma víðari.

Í modul 4 fært tú ítøkilig amboð, sum hjálpa tær at “taka bóltin” og syrgja fyri, at tit koma í mál – samstundis sum tit hava tað stuttligt.

• Fá skil á stigunum í verkætlanararbeiði og lær teg at seta realistisk og eggjandi mál
• Slepp undan ringastu fellunum í verkætlanararbeiði
• Fá skil á, hvussu tú kanst brúka verk- ætlanir og tjekklistar virkið – fá amboð at raðfesta tað mest týðandi
• Lær at býta út uppgávur og at eggja onnur
• Fá yvirlit yvir uppgávurnar, soleiðis, at tú fært frið í kroppinum og tú fært tær loystar á tryggan hátt
• Góð ráð til effektivt samstarv
• Stemma av væntanir og býti av leiklutum – hvør er best til hvat?

Høvundur: Mettelene Jellinggaard, In-Side Kommunikation – royndur ráðgevi. Góð at síggja avbjóðingarnar í gerandisdegnum.

Kreativitetur í gerandisdegnum 
– broyt vanan og ger okkurt nýtt

Øll kunnu finna nýggjar og betri hættir at gera tingini. Fá kunnleika til kreativar arbeiðshættir, sum kunnu verða stór hjálp, tá ið tú stendur frammanfyri smáum og stórum avbjóðingum, sum “bara” skulu loysast.

Lær at fáa skapanarevnini fram her og nú og fá sjálvsøgd og einfald hugskot, sum kunnu gera stóran mun.

• Tú fært eina rúgvu av skapandi arbeiðshættum og mannagongdum – og lærir at finna nýggjar vinklar á vanligum avbjóðingum
• Broyt vanahugsan og lær at brúka tíni skapanarevni
• Fá íblástur at síggja møguleikar heldur enn avmarkingar
• Soleiðis setir tú ferð á tíni skapanarevni

Høvundur: Lars AP, Redhair – skapandi strategur, sum gevur íblástur til forvitni og nýhugsan.

Positiv sálarfrøði 
– brennidepilin á motivatión og arbeiðsgleði

Positiv sálarfrøði er um mentala vælveru, trivnað og góð avrik. Somuleiðis við motivatión og arbeiðsgleði.

Ert tú motiverað/-ur, gert tú eitt gott arbeiði – tú smílir og tað smittar.

• Skil heilan og tað, ið elvir til gleði og ørkymlan
• Menn títt sjálvsálit við at brúka tilfeingi, sum tú ikki visti, at tú hevði
• Hvussu er við innaru samrøðuni – vend “feilir” til positiva læru
• Soleiðis sleppur tú undan at øll orkan er brúkt, tá ið arbeiðsdagurin er av
• Hoyr, hvussu motivatión kann skapast – finn drívmegina í tær og skapa eldhuga hjá starvsfeløgunum
• Fá íblástur at liva í løtuni

Høvundur: Henrik Leslye, SEB Gruppen A/S – viðurkendur vinnusálarfrøðingur við tyngd.