So er hetta skeiðið júst nakað fyri teg! Um tú hevur hug at luttaka, viðmæla vit tær at spyrja leiðaran beinanvegin, so tú tryggjar tær pláss.
Sum reingerðarfólk, hevur tú møguleika at arbeiða bæði innan tað almenna og tað privata. Tú kanst koma út fyri, at skula arbeiða við framkomnum maskinum, kemiskum reingerðarevnum og strongum krøvum til reinføri. Eitt nú á dagstovnum, ellisheimum, døgnstovnum, privatum fyritøkum vm. Tað er tí neyðugt, at tú, sum reingerðarfólk, hevur eina góða grundleggjandi vitan og teir røttu førleikarnar innanfyri fakið.
Eisini hevur tú stóra ábyrgd. Eitt nú hevur tú ein stóran leiklut í, at fora fyri, at smitta spjaðir seg á arbeiðsplássinum. Tað sóu vit tá korona herjaði, men tað er enn galdandi í mun til smittu við “vanligum” sjúkum. Serliga nú heystið og veturin nærkast. Tá eru nógv sum hava krím, sum smittar illa.
Sum reingerðarfólk hevur tú tí eisini ávirkan á arbeiðsumhvørvið hjá øllum starvsfólkunum á tínum arbeiðsplássið.
Tú verður undirvíst/ur av Jette Nissen, sum hevur nógvar royndir innan reingerð, men eisini innan undirvísing. Hon er útbúgvin Føðslu- og húsarhaldsøkonom og hevur undirvíst í nógv ár. Hon er sera væl umtóktur og fyrikomandi undirvísari. Hon undirvísir á donskum, men hon er løtt at skilja og tú skalt ikki halda langar talur sjálv/ur á donskum, so málið er er ikki nakar trupulleiki.
Aftaná skeiðið, ert tú enn betur fyri, at gera reint á skúlum, dag- og døgnstovnum og øðrum arbeiðsplássum. Tú lærir at gera reint uppá tann rætta mátan, bæði tá tað kemur dagligu arbeiðsuppgávurnar og eisini tær við serligum reingerðaruppgávum. Eitt nú reingerð av køki, hjálpitólum, hølum og innbúgvi, sum krevja serliga reingerð vm.
Tá tú arbeiðir har onnur menniskju eisini eru, slepst ikki undan, at ósemjur stinga seg upp. Á hesum skeiðnum, fara vit eisini seta fokus á, hvussu vit tackla hesar ósemjur, sum hava tað við at koma heim við frá arbeiðinum. Tað er ikki gott fyri teg og familjuna, men heldur ikki fyri arbeiðsplássið. Jette er von at undirvísa innan kommunikatión, so hetta er eisini ein partur av skránni.
Jette er faklærari á EUC Nordvestsjælland. Hon hevur nógvar ársroyndir í undirvísing innan tænastuyrki, reingerð, samskifti og reinføri. Harafturat undirvísir hon í fyrstuhjálp.
Jette fokuserar mest uppá, at tú sum starvsfólk, mást ansa tær sjálvari/sjálvum í arbeiðinum og at tú mást arbeiða eftir teimum leiðreglum og kvalitetskrøvum, sum eru á arbeiðsplássinum.
Umframt at undirvísa, hevur hon skriva eina røð av undivísingar-kompendium og gjørt undirvísingartilfar, sum Serviceerhvervenes efteruddannelsessekretariat, Undervisningsministeriet, hevur góðkent til undirvísing.
Hon hevur sjálv arbeitt innan reingerð á røktarheimum, sjúkahúsverkinum og hevur eisini verið í praktikk á skúlum og á fyritøkum.
Jette er útbúgvin Føðslu- og húsarhaldsøkonom. Umframt undirvísing hevur hon arbeitt við reingerðarleiðslu, reinføriseftirliti á matvøruframleiðsluvirkjum og sum høvuðskokkur á einum eftirskúla.
Karlamagnusarbreyt 1
188 Hoyvík
Føroyar
T-post: synergi@synergi.fo
Tel.: +298 322355
Kontonr. 6460 - 460.100.0
V-tal: 533343
Synergi © 2023
Sniðgivið og forritað av Lunnar
