Staður: Hotel Føroyar

• 12:30 | Innskriving
• 13:00 | Jan Ziskasen | Vælkomin setan
• 13:15 | Poul Geert Hansen | Úr skjáttuni
• 13:35 | Svend Brinkmann | Hugsa
• 14:35 | Steðgur
• 15:00 | Pernille Garde Abildgaard og Tina Storm | 4 daga arbeiðsvika
• 15:45 | Steðgur
• 16:10 | Brian Lykke | Ein løta í skellilátri
• 16:40 | Strekkja bein
• 16:45 | Kjósan av ársins leiðarum
• 17:00 | Takk fyri í dag – Brúsandi vín
• 17:30 | Stuttligt STUTTFLUTT afterparty á Hotel Føroyum, fara væntandi til borðs kl. 18

Afterparty:

Hesaferð fara vit beint í afterparty, meðan stemningurin er í topp, og vit hava fagnað Ársins leiðarar við boblum….

Afterparty verður nemmliga STUTTFLUTT | Tú nýtist ikki flyta teg ein tumma |Tí afterparty verður á staðnum! Á Hotel Føroyum, sum altíð borgar fyri góðsku!

🍽 3 rættaður døgurði
🍷 Vín ad libitum til matin
🍮Kaffi/te og avec
🎸Livandi tónleikur
🤩Eitt stuttligt stuttflutt kvøld

Her fara vit ordiliga at hugna okkum saman við øðrum leiðarum úr øllum landinum, við góðum mati, vín ad libitum til matin, livandi tónleik vm.

Kom við til ein praktfullan kokkteyl av lekrum og vælsmakkandi mati, víni og undirhaldið.

Broytingar kunnu koma fyri í skránni.

Svend Brinkmann

HUGSA | Sum leiðari | Sum menniskja

Evnini at hugsa eru avgerandi fyri eitt gott og eydnusamt lív
Tað er avgerandi fyri okkum menniskju, at vit kunnu hugsa. Homo sapiens merkir hugsandi menniskja. Filosoffar hava, líka síðani teir gomlu grikkarnir, sagt, at evnini at hugsa eru avgerandi fyri eitt gott og eydnusamt lív.

Men tíverri er tað vorðið trupult at hugsa í okkara tíð, sum leggur dent á skjótleika, nyttuvirði og effektivitet. At hugsa krevur tíð at fordjúpa seg, tíð til menning og mentan og frælsi til sjálvstøðuga reflektión.

Á Leiðaradegnum spyr Svend Brinkmann, hvussu vit kunnu læra at hugsa djúpt, kritiskt og sjálvstøðugt. Ikki minst í arbeiðslívinum, har tað eigur at verða ein leiðsluuppgáva at skapa góðar rammur at hugsavna seg. Nógv leita sær til eysturlendskar mentanir, har vit finna meditatión og mindfulness, har tað snýr seg um at vera til staðar og hugsa minni, men Svend Brinkmann lýsir í staðin á møguleikarnar í vestligu mentanini, at hugsa betri. Fyrilesturin er grundaður á nýggjastu bókina hjá Svend Brinkmann frá  2022 “Tænk”.

Pernille Garde Abildgaard

4 daga arbeiðsvika

Vit hava seinastu tíðina hoyrt um, at fleiri arbeiðspláss uttanlands, hava valt at praktisera eina 4 daga arbeiðsviku. Vit hava eisini føroysk virki, sum hava valt at fara sama veg. Í samgonguskjalinum verður eisini nevnt, at arbeiðsvikan skal styttast.

Styttri arbeiðsviku | Tað ljóðar lokkandi – fyri tey flestu

Men so skjótt vit hava hugsað tankan, kemur stúranin sníkjandi.

• Hvat við lønini?
• Hvat við produktivitetinum?
• Hvussu skal hetta fíggjast?
• Eru tað bara leiðarar og tey sum arbeiða á skrivstovu, hetta er ein møguleiki fyri?
• Hvat við okkum á dekkinum?
• Á flakavirkinum? Á ellisheiminum?
• Á dagstovninum? Í skúlanum?
• Hvør skal so gera alt arbeiði, meðan eg havi frí?

Pernille Garde Abildgaard er serfrøðingur innan 4- daga arbeiðsviku. Hon hevur hjálpt fleiri enn 25 donskum fyritøkum og stovnum, at leggja arbeiði um, soleiðis at starvsfólkini kunnu fara niður í tíð – tey flestu við fullari løn.

Loyndarmálið er, at tað handlar ikki um, hvussu nógvar tímar vit arbeiða, men um hvussu vit brúka tíðina, meðan vit eru til arbeiðis.

Tað finst ikki eitt one-size-fits-all modell fyri, hvussu tú kanst skipa arbeiði og arbeiðsgongdirnar, soleiðis at starvsfólkini kunnu fara niður í arbeiðstíð.

Á leiðaradegnum 2023 fer Pernille Garde Abildgaard at greiða frá, hvussu hon hevur hjálpt donskum arbeiðsplássum við at íverkseta 4 daga arbeiðsviku.

Við sær hevur hon Tinu Storm, Vice President eitt starvsfólk hjá fyritøkuni PanzerGlass, sum hon hevur hjálpt.Tina Storm
Vice President, People & Culture

Fyrilesturin verður live – online, men tað ber til at seta spurningar.

Pernille Garde Abildgaard er eigari og stjóri á fyritøkuni Take Back Time, sum arbeiðir við at seta ein kíla í hamstrarahjóli, fyri at fáa glaðari og sunnari starvsfólk og framtíðartryggjaðar fyritøkur. Hon hevur skrivað 3 bøkur um evni og er førandi serfrøðingur á økinum í øllum skandinavia. Pernille hevur arbeitt á Nordisk film, ATP, SBS Danmark, Udviklingsselskabet By & Havn vm.

Stuttligt stuttflutt afterparty á Hotel Føroyum

Tá vit hava feira Ársins leiðarar við boblum, flyta vit okkum ikki so øgiliga langt. Afterparty í ár verður á staðnum, á Hotel Føroyum.

Ein praktfullur kokkteylur við lekrum, vælsmakkandi mati, vín ad libitum til matin og festligum tónleiki.

SO… minst til at tekna teg til Afterparty eisini.

Íroknað prísin eru kveikjandi og forkunnugir fyrilestrar, møguleiki fyri góðari netverkan og okkurt gott undir góman.

Eru tit fleiri frá sama arbeiðsplássið, fáa tit sjálvsagt avsláttur;) >>

• > 5 luttkarar: 5% í avsláttri
• > 10 luttkarar: 10% í avsláttri
• > 15 luttkarar: 15% í avsláttri

(…og nei, eru tit 100 luttakarar, fáa tit tíverri ikki 100% í avsláttri ;)) Men tit eru øll vælkomin;)

GG: Avsláttur verur bert latin av sjálvari ráðstevnuni, ikki døgurðanum um kvøldið.