Nú kanst tú koma á klænkiskeið við kendu Anne Hjernøe, sum lovar, at tú ikki nýtist at svølta fyri at lætna. Vit kenna Anne frá óteljandi sjónvarpssendingum og bókum um mat.
Hugsa heldur, at tú í veruleikanum kanst eta teg klænri. Eingin grund til at svølta fyri at klænka. Realistiskt sæð, kanst tú á henda hátt klænka millum 0,5 og 1 kg um vikuna.
Ert tú typan, sum als ikki orkar at fara í gongd við at venja, so læt vera! Kosturin er 80% og venjingin er 20%. So byrja bara við kostinum, hvør veit, kanska hugurin at venja kemur, tá tú ert lætnað/ur nøkur kilo.
Á skeiðinum sleppa tit eisini at royna tykkum, við at gera lekkran, sunnan mat. Fokus verður m.a. á, at maturin er vælsmakkandi, at rávørurnar eru góðar, at maturin er mettandi og lættur og stuttligur at gera, at hann er væl kryddaður, so vit kenna okkum mett. Eisini koma vit inn á matspill, at brúka tað, vit hava í køliskápinum umframt at gera matarætlanir. Gleð teg til at sleppa at gera lekkran og annarleiðis mat, enn tann tú vanliga ger.
Summi fara á Yoga skeið og ymiskar venjingarlegur í heitari lond. Nú hevur tú møguleikan at gera okkurt gott fyri teg. Tú nýtist ikki fara longur enn til Havnar! Kom og set fer á heilsuna og at lætna. Kom og forkela teg sjálva/n. Tekna teg til hetta skeiðið við Anne Hjernøe. Plássið er avmarkað!
Anne er lætnað 20 kg við at leggja kostin um. Fyri nøkrum árum síðani lætnaði hon 20 kilo uppá 1 ár. Aftaná 3 ár eru tey ikki komin aftur.
Kundi tú hugsað tær at fingið at vita, hvussu Anne hevur gjørt? Og kundi tú hugsað tær, at kikkstarta tína klænkingarleið, fingið meiri vitan um, hvussu tú fært matin at smakka væl og at metta meiri, ja, so er hetta skeiðið fyri teg.
“Á skeiðinum fara vit at gera lekkran mat, sum smakkar ordiliga væl og eg komi eisini inn á, hvussu eg haldi meg frá freistingum, og hvussu matarætlanin – sum eg klári at halda meg til – sær út!”
Anne Hjernøe hevur tað mesta av sínum lívi, arbeitt við mati. Hon hevur útgivið 25 bøkur um m.a. at súlta, mat móti krabbamein, salatir, kryddarísnaps, grønan mat, kryddaðan mat, sunnan mat og venjing, umframt bøkur um tær vælkendu smáu rættirnar frá øllum heiminum.
Tey seinastu nógvu árini, hevur Anne verið sjónvarpsvertur á einari ørgrynnu av sendingum. Hon hevur gjørt sjónvarpt frá Frilandshaven, AnneMad i sit eget køkken, Spanien og New York. Umframt nógvar sendingar úr Danmark við kolissum sum donsk baðihotell, donsk slott og oyggjar. Seinastu árini hevur hon saman við sjónvarpsjournalistinum Anders Agger, ferðast runt um í heiminum, fyri at finna danskar vinklar uppá ymisk evni. Eitt nú valið í USA, Brexit, Miðeystur og Norðurlond. Í ár hava tey gjørt sendingar frá 6 evropeiskum londum, fyri at seta fokus á, hvønn tað er, Danmark er saman við í EU.
Saman við Anders Agger, hevur hon verið í Føroyum og hon er púrasta býtt í Føroyum.
Umframt at gera sjónvarp og skriva bøkur, hevur hon sína egnu fyritøku, har hon heldur verkstovur, fyrilestrar, undirvísir vm.
Anne Hjernøe er útbúgvin innan pedagogikk, journalistikk, miðlar & samskifti. Alt hetta hevur hon brúkt í kombinatión við sínari fasinatión av matger úr øllum heiminum.
Karlamagnusarbreyt 1
188 Hoyvík
Føroyar
T-post: synergi@synergi.fo
Tel.: +298 322355
Kontonr. 6460 - 460.100.0
V-tal: 533343
Synergi © 2023
Sniðgivið og forritað av Lunnar
