Høvdið á tær er á tremur við týðandi uppgávum, sum tú ikki má gloyma. Tú verður áhaldandi avbrotin í arbeiðnum, og nýggjar uppgávur koma i heilum inn á borðið hjá tær. Tínir t-postar liggja í rúgvum, og innbakkin er ovurfullur. Flestu av okkum kenna aftur myndina, men tey fægstu duga sjálvi at finna loysnina á, hvussu vit fáa tíðina at røkka.
Hetta skeiðið gevur tær amboðini at broyta arbeiðslag og at skipa arbeiðsdagin. Tú fært samstundis høvi at kenna aftur ringu vanarnar og umlopsgerðirnar og beina fyri nøkrum av størstu tíðartjóðunum.
So er hetta skeiðið sum skraddaraseymað til tín. Kom og fá øll amboðini til, hvussu tú kanst styrkja tíni evni til at finna – og halda – fokus.
Trine Kolding hevur skrivað fleiri bøkur um tíð og effektivitet. Við útgangsstøðið í síni nýggju bók «FOKUS – sådan skaber du gode arbejdsbetingelser for din hjerne», fer hon at geva tær íblástur og amboð til, at hvessa títt fokus og at til at halda uppmerksemi eitt stað í senn.
Kom við á skeiðið og fá innlit í, hvat slag av tíðarfólki tú ert og hvat slag onnur eru. Tær ymisku tíðartypurnar siga nakað um, hvussu tú fyriheldur teg til tíð. Tín persónliga tíðartypa er avgerðandi fyri, hvussu tú planleggur, ikki minst fyri, um tínar ætlanir halda ella ikki.
Trine Kolding er serfrøðingur í effektiviteti og planlegging. Hon undirvísir, skrivar bøkur og er tíðarcoach, við serfrøði í persónligum effektiviteti og planlegging.
Útbúgving: Copenhagen Business School, Danmarks Pædagogiske Universitet, proceskonsulent v/ Rambøll Attractor umframt certificeret coach.
Trine hevur ein heilt serligan tokka til tíð og er kanska tann mest royndi serfrøðingurin í Danmark, tá tað kemur til effektivitet og planlegging. Ja, ella meiri enn tað. Hon brennur fyri at greiða frá um tíð og um hvussu tú planleggur tína tíð. Tíð, sum er tað tilfeingið, sum vit mangla mest í dag.
Hvussu skulu vit – hvør í sær – brúka okkara tíð, so vit fáa sum mest burturúr – uttan at blíva stressað.
Sum sjálvstøðugur undirvísari, rithøvundur og tvíburamamma, kennir Trine alt til hvussu torført tað er, at fáa dagligdagin at hanga saman.
Á skeiðinum fer Trine Kolding at geva tær tíni bestu ráð frá hennara amboðskassa, so eisini tú kanst optimera tína tíð. Tú fert at fáa meiri frið og yvirskot, so tú fært eina bæði realistiska og burðardygga balansu millum tína tíð, tínar uppgávur og tær avbjóðingar, sum tú átekur tær.
Optimera tína tíð = Fá meiri frið og yvirskot
Karlamagnusarbreyt 1
188 Hoyvík
Føroyar
T-post: synergi@synergi.fo
Tel.: +298 322355
Kontonr. 6460 - 460.100.0
V-tal: 533343
Synergi © 2022
Sniðgivið og forritað av Lunnar
