Framsíða Tilmelding Um Synergi Samband Tíðindi Farin tiltøk Myndir Ymiskt

Share

Kvøldskeið
18. juni 2012 - Fullteknað
 28. juni 2012 - Pláss eftir

MAX.
12
luttakarar

Lær at gera eina
 FOTOBÓK
 - og framtíðartryggja tínar myndir
 
   

 

Melda til longu
í dag, tí tað er
avmarkað pláss!

 

 

Luttakarar á skeiðinum fáa eina bonuskotu til eina fotobók

VIRÐI

75 kr.

 

Hetta siga luttakararnir

"Mær dámdi alt skeiðið væl, góður undirvísari og hjálpari. Dugdi als ikki at gera fotobók áðrenn, men eg hevði heldur ikki roynt tað áðrenn. Nú siti eg ofta inni á har og geri ymiskt, t.d. kalendarar og vendispøl o.a., at geva sum gávur."

Jensa Hansen

--------- * ---------

"Skeiðið livdi fult upp til mínar forvæntningar. Lærdi sera nógv uppá so stutta tíð,og havi fingið so nógv við,at eg megnaði at gera eina heila myndabók sjálv heima. Bíði spent eftir at fáa hana sendandi. SUPER undirvísing og skeið og góðir og sera fyrikomandi vegleiðarar. Stóra takk fyri tað :) Tíðin gekk bara alt ov skjótt,men eg lærdi so mikið nógv, alt tað sum eg hevði vónað."

Eyðbjørg Ellendersen

 

 

 

 

--------- * ---------

Skeiðið hevur í eftirmetingini fingið
10,8

í miðal eftir 13'skalainum

--------- * ---------
  • Tekur tú ofta myndir av familjuni, tá føðingardagar eru, tá tit eru í summarferiu ella kanska á jólum og øðrum høgtíðum?
     
  • Hevur tú myndir liggjandi á telduni frá barnadópinum, teimum fyrstu fetunum, fyrsta skúladegi, konfirmatiónini ella frá onkrum rundum føðingardegi?
     
  • Gongur tú runt við ringari samvitsku og ert kanska eitt sindur ørkimla/ur, tí myndirnar liggja heldur óskipaðar á tínari teldu ella kanska enntá fleiri teldum, umframt externum hardiskum?
  • Spekulerar tú uppá, at teldan kann blíva for gomul og kanska í ringasta føri krasja?
     
  • Og fært tú sjáldan tikið teg saman, at hyggja eftir myndunum?

Eitt sindur longri prát við Ásu, undirvísaran
- 3:12 min.

 

Stutt prát við Ásu, undirvísaran
- 1:15 min.

So er eitt gott hugskot at taka sær stundir til at gera eina fotobók, so tú eisini hevur eitt eintak av tínum bestu myndum í pappírsformi.

Skeiðið er eisini til arbeiðspláss, ið ynskja at gera bøkur um teirra arbeiðspláss. Eisini gott til t.d. dagstovnar, ið taka nógvar myndir. Dagstovnurin kann gera t.d. eina bók um árið og foreldrini kunnu so sjálvi bíleggja sær eina eisini.

Fotobøkur hava avloyst tær gomlu myndirnar

Í fleiri ár hava fólk næstan ikki framkalla sínar myndir, tær hava ligið á telduni og eingin hevur ordiliga fingið gleði av teimum. Nú er ein spildurnýggjur møguleiki komin, so tú aftur kanst fáa gleði av tínum myndum. Hesaferð við teimum lekru fotobókunum, sum síggja topp professionellar út.

Øll sum duga eitt sindur við teldum,
kunnu læra at gera flottar fotobøkur
Fotobøkur eru sera hentar og lekrar at hyggja í. Og so eru tær faktiskt ikki so torførar at gera. Dugur tú at brúka teldur á brúkarastøðið, so er lætt hjá tær at fara í holt við at gera eina professionella fotobók.

Á hesum skeiðinum lærir tú alt tað grundleggjandi um, hvussu tú kanst gera eina fotobók, frá byrjan til endan. Við nøkrum góðum ráðum og teknikkum, kanst tú gera eina flotta fotobók, sum tú verður glað fyri í nógv ár framyvir.

Á skeiðinum lærir tú at 

  • upploada myndirnar
  • redigera og flyta runt uppá myndirnar - uppá tann lætta mátan
  • gera rammur
  • redigera myndirnar eitt sindur, eitt nú justera ljósstyrki
  • seta tekst inn
  • endaliga at bíleggja bókina

Hvussu tryggjar tú tínar myndir annars?
Eisini fara vit at tosa eitt sindur um, hvussu tú kanst gera tær eina konto á eitt nú myndawebtænastuni Picasa. Gjørt tú fotobøkur við tínum bestu myndum og annars upploadar tínar myndir til Picasa ella aðrar góðar myndawebtænastur, so skuldi tú verið nøkunlunda tryggja/ur ;-)

Skeiðið verður skipað við undirvísing og sum verkstova, har luttakararnir koma at sita og arbeiða.

VÆLKOMIN Á KVØLDSKEIÐ HJÁ SYNERGI!

 
CEWE FOTOBOG Kompakt fotohæfte  
Format STOR - Softcover CEWE FOTOBOG Kompakt - Hardcover  
     

Skeiðleiðari

Ása Andreasen

Ása hevur í fleiri ár tikið nógvar myndir og seinastu 3 árini hevur hon gjørt fotobøkur við eitt nú familjumyndum.

Ása hevur altíð havt áhugað fyri snildum telduforritum og mboðini til at gera fotobøkur, eru snild ;-) Fotobøkur eru genialar, heldur hon, tí ein og hvør, sum dugur bara eitt lítið sindur við teldum, kann læra at gera flottar og professionellar fotobøkur. Man skal bara líka fáa tað fyrstu grundvitanina uppá pláss. Hon gleðir seg at undirvísa og læra frá sær, alt sum hon veit um fotobøkur.

Ása er annar av eigarunum í Synergi og hevur áður undirvíst í ymiskum telduforritum, eitt nú Word, Excel og Outlook.
 
  Praktiskt
Staður:

Synergi - Tvørgøta 13 - 100 Tórshavn

OBS! Fitt av trappum eru upp til undirvísingarhølini,
men tað er gott fyri hjartað ;-)
Hevur tú trupulleikar við at ganga trappur, sig okkum vinarligast frá.

Her liggur Synergi: http://www.synergi.fo/synergi.pdf
Dagur:

18. juni 2012 - Kl. 18.00 - 21.30 - Fullteknað
28. juni 2012 - Kl. 18.00 - 21.30 - Pláss eftir

At hava við: Tú verður biðin um at hava ein usb-geyma/harddisk við, við nøkrum myndum hjá tær. Best er um tú hevur sortera myndirnar soleiðis, at allar myndir sum skulu í bókina eru í einari mappu. Á skeiðinum fært tú nevnliga møguleika at byrja uppá, at gera tína egnu myndabók. Tú skalt rokna við, at nýta 3-4 myndir í miðal til hvørja síðu. Tvs. at ætlar tú tær at gera eina bók á 50 síður – sum er ein miðal stødd - so skalt tú hava min. 150 myndir við.

Tá tú goymir títt arbeiði, verður eitt avrit tikið av øllum myndunum tú hevur valt at seta inn í bókina. Tí skal pláss verða á geymanum, til hetta.
 
Kostnaður:

444 kr + mvg. (555 v/mvg.)
Íroknað:

Íroknað kostnaðin er undirvísing og sjálvsagt fáa vit eisini ein kaffimunn, við onkrum afturvið ;-)
Teldur:

Vit hava teldur, so tað er ikki neyðugt at hava egna teldu við.

Møguliga kanst tú hava egna teldu og egnar myndir við. Avgerð verður tikin um tað í næstum. Fyrimunurin er, at tú kanst arbeiða við tínum egnu myndum og byrja uppá tína egnu fotobók og gera hana lidna heima. Hevur tú tína egnu teldu við, er tó neyðugt at møta áðrenn, soleiðis at tín telda kann fáa atgongd til internet osfr. Ring og avtala hetta við Synergi, tá tú hevur teknað teg.
 
Mál:

Undirvíst verður á føroyskum.

Tilmeldingarfreist:

Sí her!
Tilmelding
- VISA Dankort:

Klikk her!
- um tú ikki hevur møguleika at rinda við VISA, kanst tú senda okkum ein teldupost við tilmeldingini. Er pláss, kanst tú flyta pengarnar á konto okkara í Eik: 9181-450.800.0. Viðmerk vinarligast navn og dato á skeiðinum.

 Synergi • Tvørgøta 13 • 100 Tórshavn • Faroe Islands • synergisynergi.fo • Tel. +298 22RING (227464) • Fax. +298 322 FAX (322329)

Meiningin við Synergi er at geva føroyska samfelagnum íblástur og meirvitan. Soleiðis fáa vit eitt betri samfelag, betri fyritøkur og glaðari og enn meiri eldhugað starvsfólk.