Share

31. mai 2012
& 1. juni 2012
 

Hvussu skalt tú fyrihalda teg, tá tú hittir tínar klientar í privatum samanhangi?

Vit byrja við at hyggja at vanligu mørkunum, t.d. at nema við, gávur,
at avdúka seg sjálva/-n, býtistænastur, viðgerðarstovu heima, og terapi uttanfyri viðgerðarstovuna.
Serligur dentur verður
lagdur á sínamillum sambond, sum ofta ikki sleppast undan í Føroyum.  

Hvussu skalt tú fyrihalda teg, tá tú hittir tínar klientar í lokalu ítróttarveitsluni? Í hvussu stóran mun kanst tú uppføra teg, sum tú hevur hug til? Eigur tú at taka atlit til, at klientar eru millum gestirnar? Og hvussu skalt tú gera, tá tú hittir klientin við manninum í Keypsamtøkuni? Skalt tú steðga og byrja at práta og spyrja hvussu gongst? Ella skalt tú lata sum tú ikki kennir viðkomandi?

Í nýggju talgildu øldini hevur ein nýggj avbjóðing eisini stungi seg upp hjá terapeutum og fólkum, ið arbeiða við líknandi arbeiði. Googlar tú t.d. tínar klientar? Kanst tú verða vinur við tínar klientar á Facebook? Hvar gongur markið? Og kanst tú kanska nýta Skype til terapiforløb? Hvussu eigur tað at ganga fyri seg?

Eitt av høvðuðstemaunum á skeiðinum verður, hvussu tað er at verða terapeutur og hvussu tað er at arbeiða við sosialum arbeiði í einum lítlum samfelagið. Harafturat verður høvuðstemaið um, hvussu talgildi heimurin ávirkar títt arbeiði.

Málbólkur
Sosialráðgevar, psykologar, ráðgevarar innan ymsik øki og onnur sum fáast við at veita sálarfrøðiliga- og sosiala hjálp.

NB: Skeiðið er eisini fyri terapeutar, sum ikki brúka tøkni. Tær nýtist ikki at vera tøkni-vitandi, fyri at vera við á hesum skeiði.
 

Kanst tú verða vinur við tínar klientar á Facebook?

Fyrri partur

Í hesum frálíka, hvassa, sera interaktiva og margmiðlaða skeiðið, vil dr. Zur gjøgnumganga klinisku og etisku spurningar, sum terapeutar skulu taka støðu til í Føroyum í 21. øld. Vit byrja við at hyggja at vanligu mørkunum, t.d. at nema við, gávur, at avdúka seg sjálva/-n, býtistænastur, viðgerðarstovu heima, og terapi uttanfyri viðgerðarstovuna. Serligur dentur verður lagdur á sínamillum sambond, sum ofta ikki sleppast undan í Føroyum.  

Seinni partur

Í seinna partinum vilja vit skifta orð um, hvussu internet og teldur hava ávirkað hvussu foreldur og børn, lærarar og lesandi, leiðarar og starvsfólk eins og nú terapeutar og klientar arbeiða saman, eru yvirfyri hvørjum øðrum og fáa vitan um hvønn annan í og uttanfyri viðgerðarrúmið.

Skeiðið vil taka upp evni sum t.d. álinju gjøgnumskygni, t-post og sms millum terapeut og klient, hvussu Skype verður brúkt í sambandinum við ein klient, hvussu klientar googla terapeutar og terapeutar googla klientar, klientar, sum sms’a meðan ein sessión er í gongd og hvussu farast skal við einum vinarspurningi frá einum klienti á Facebook.

Skeiðið vil eisini viðgerða sálarfrøðina í netinum og orðaskifti verður um vaksandi fyribrigdið, sum eitur Sálarfrøði á internetinum. Greitt verður eisini frá vaksandi spenninginum millum talgildu innflytararnar (eldri ættarliðini) og talgildu innføddu (tey ungu) og hvussu nýtslan av interneti ávirkar familjur, skúlar, arbeiðspláss og psykoterapeutiska ráðgeving.

Dr. Zur fer at viðgera tey spennandi og avbjóðandi evnini, ið terapeutar mugu hugsa um, og sum eru frammi í løtuni – hvussu skulu sms, apps, t-postur og Skype brúkast í samskiftinum við og í viðgerðini av klientum.

Skeiðið ger greitt, at tað slepst ikki undan sínamillum viðurskiftum í mongum bygdar- og smásamfeløgum, so sum í kirkjum, í samkomum, hjá samkyndum, í hernaðaligum bólkum, millum brekað og í minnilutabólkum. Tað vísir eisini aftur (paranoidu) fatanina, at ikki kynslig sambond millum tvey fólk fara at elva til kynslig sambond og tað vísir á, hvussu familiuviðurskifti og tvísambond kunnu seta ferð á viðgerð, økja um terapeutiska virkningin og avmarka (heldur enn økja) um møguleikan at klienter vera útnyttaðir av teirra terapeuti.

Skeiðið viðger í smálutir sjónarmiðini í ymiskum professionellum etiskum meginreglum um sínamillum sambond, nágreinir og lýsir tey ymisku sløgini av sínamillum sambondum og vísir á nágreiniligar reglur fyri at taka avgerðir og fyri kliniskar vegleiðingar til at handfara sínamillum sambond etiskt.

Framløgan fera at vísa filmsklipp um terapeutisk markamót frá filmum sum t.d. Good Will Hunting, Analyze This, What About Bob, Prince of Tides, Ordinary People, Deconstructing Harry, Antwone Fisher o.a.

Skeiðleiðari

Dr. Zur

Ofer Zur, Ph.D., er konsulentur, autoriseraður sálarfrøðingur, rithøvundur, løgfrøðiligur konsulentur og fyrilestrarhaldari. Hann býr í Kalifornia í USA. Hann er ein av heimsins fremstu etikarunum á økjunum vegleiðing og psykoterapi.

Hann var ein av høvundunum av bókini “Dual Relationships and Psychotherapy” og hann skrivaði eisini “The Complete Fee- for-Service Private Practice Handbook”. Hann hevur givið út nógvar greiðar og ofta siteraðar greinar og kapitlar um etikk í terapi, standard fyri røkt, markamót og sínamillum sambond. Bók hansara “Boundaries In Psychotherapy”, sum er tann higartil mest víðfevnda um terapeutisk markamót, kom út í 2007. Hon var útgivin av ongum øðrum enn American Psychological Association, APA Books.

Dr. Zur er leiðari av Zur Institute, sum hevur fleiri enn 130 serlig og nýhugsandi, framhaldandi útbúgvingarskeið fyri sálarfrøðingar, sosialarbeiðarar og ráðgevarar. Hann er ein av teimum best kendu konsulentunum og hann er løgfrøðiligur serfrøðingur innan økið terapeutisk mørk.

Á persónliga økinum hevur Dr. Zur bjóðað mongum likamligum, kensluligum og eksistentiellum markamótum av, tá hann arbeiddi sum kavari, sum heryvirmaður og fallskíggjamaður í herinum, kleiv upp á Kilimanjaro saman við soni sínum, ferðaðist við ryggsekki á jøklum í Alaska og nógv meira. Han hevur búð í Ísrael, Afrika, Europa og seinastu 30 árini í USA.

Tilmelding fer fram her: www.synergi.fo/tilmelding.htm. Hevur tú spurningar, ert tú vælkomin at venda tær til okkum á tel. 322 355 ella við t-posti til synergi@synergi.fo. Vit gleða okkum at bjóða tær vælkomnum til 2 spennandi skeiðsdagar. Fyrsta av sínum slagi í Føroyum.
 

Tørvar tær innanhýsis skeið í fyritøkuni ella at seta saman ein spennandi dag við dugnaligum fyrilestrarhaldarum? Set teg í samband við Ásu ella Anniku á synergi@synergi.fo ella telefon 322355 og fá nærri at vita.
 

Synergi, Tvørgøta 13, 100 Tórshavn

OBS! Fitt av trappum eru upp til undirvísingarhølini, men tað er gott fyri hjartað ;-)
Hevur tú trupulleikar við at ganga trappur, sig okkum vinarligast frá.

Her liggur Synergi: http://www.synergi.fo/synergi.pdf
 

kr. 4.680,00 u/mvg. (kr. 5.850,00 v/mvg.) Fyri 2 daga skeið.

Íroknað kostnaðin er 2 daga skeið, neyðugt skeiðstilfar, íblástur, meirvitan og møguleiki fyri at netverka og tosa við onnur við somu áhugamálum sum tú. Umframt sjálvt skeiðið fært tú morgunmat, døgurða og 2xkaffi við onkrum afturvið.
 

Undirvíst verður á enskum. Dr. Zur er vanur at undirvísa í ikki-enskt talandi londum.

Treytir fyri frámelding
Møgulig frámelding skal verða skrivlig og hon skal stílast til Synergi og sendast til synergi@synergi.fo, ella faxast til 322 329.

Við frámelding verður roknað umsitingargjald á 10% av fullum skeiðsgjaldi fyri hvørja frámelding – tó í minsta lagi kr. 500,-.

Kemur frámeldingin seinni enn 30 dagar fyri skeiðsbyrjan verður roknað eitt gjald uppá 50% av fullum skeiðsgjaldi fyri hvørja frámelding. 21 dagar (ella seinni) fyri skeiðsbyrjan verður eingin afturgjalding. Um tær ikki ber til at vera við, so ert tú sjálvandi vælkomin at lata plássið til ein starvsfelaga.
 

Klikk her! - um tú ynskir at tilmelda teg og gjalda við VISA. Tað er nógv lættari ;-)

Klikk her! - um tú ynskir at tilmelda teg og fáa rokning.
NB! Minst til at rokning kemur fram á skermin beinanvegin.