Framsíða Tilmelding Um Synergi Samband Tíðindi Farin tiltøk Myndir Ymiskt
 Share
Framsíða - Leiðaradagurin 2012
◊ Skrá
◊ Fyrilestrar
◊ Verkstovur
◊ Tilnevn Ársins Leiðara
◊ Afterparty
◊ Tilmelding
◊ Praktiskt

 

Fleiri myndir frá Ársins Leiðaradegi 2011

klikka her! 
 
Verkstovur  

Vel verkstovu her!
Vel eina av hesum 4 verkstovum.
 

A - Karin Jessen - Kenn tína drívmegi

Motivatión er fortreytin fyri, at vit hava hug at kýta okkum eitt sindur eyka og ávirkar hetta beinleiðis okkara trivna. Í verkstovuni varpar Karin Jessen ljós á, hvør drívmegi býr í tær og tínum starvsfeløgum. Hon fer at vísa á, at motivatión krevst bæði í viðgongd og mótgongd, og at tað snýr seg um at hava áræði, sama hvussu gongst tær og fyritøkuni.

Karin Jessen hevur júst útgivið bók um motivatión og leiðslu. Við dømum úr bókini fer hon at vísa á, hvussu motivatiónin kann skapa eitt betri arbeiðspláss - og betri trivnað og úrslit.

Les meira um Karin undir fyrilestrar.
 

B - Heini Zachariassen - Søla - tað snýr seg um álit og áhaldni

Heini Zachariassen fer í síni verkstovu at leggja dent á, at tað snýr seg grundleggjandi um at fara til verka og gera tað, tú ætlar tær. Tá tú fert til verka, skalt tú hava málið púra greitt framman fyri tær, og tú mást selja fyri at skapa vøkstur. Skalt tú skapa álit millum tínar samstarvsfelagar og tíni starvsfólk, mást tú eisini halda tíni lyftir. Taka trupulleikar seg upp, mugu teir ikki skúgvast undir teppið. Teir mugu takast upp og loysast.

Heini Zachariassen saknar viðhvørt, at føroyskar fyritøkur fara meira miðvíst til verka við tí, tær vilja siga og gera. Hann gevur boð uppá, hvussu hetta kann gerast betur.

3 fokusøkir hjá Heina innan sølu:

- Just do it
- Søla, søla, søla
- Fokus, fokus, fokus

Les meira um Heina undir fyrilestrar.
 

C - Rune Green - Humor í arbeiðslívinum, við einum smíli á varrunum

Rune Green hevur skipað fyri mongum stuttligum verkstovum, og mál hansara er at vísa á, hvussu humor kann fáa boðskapin greiðari fram. Við verkstovuni vil hann vísa, at tað er lættari at hugsa humoristiskt, øðrvísi og kreativt, enn vit mangan halda, og eru vit humoristisk og kreativ, verða boðskapirnir eisini nógv betur skiltir.

Á verkstovuni sleppur tú at royna hetta í praksis.

Les um Runa Green undir fyrilestrar.
 

D - Snorri Patursson - Kickstarta eitt sunnari lív


Við støði í feskari vísindaligari kostgransking fer Snorri Patursson at greiða frá, hvussu tú kanst kickstarta eitt sunnari lív. Kom og lætt tær um samvitskuna og fá hugskot til, hvussu tú við bert fáum broytingum, kanst tú koma í gongd og merkja mun eftir nærum ongari tíð.

Snorri Patursson fer m.a. at koma við hugskotum til hvussu tú við einum hektiskum arbeiðslívi, kanst leggja tær gerandisdagin soleiðis til rættis, at motión og sunnur kostur verður ein natúrligur partur av lívinum.

Saman við luttakarunum fer Snorri at finna fram til, hvørjar avbjóðingarnar eru á hesum øki.

Snorri er proffessiónsbachelor í mati og heilsu við sergrein í kostfrøði. Hann hevur m.a. undirvíst í Crossfit í Danmark og Føroyum og verið tilknýttur sum serfrøðingur til "Kostárið" í 2011.
 

 Synergi • Tvørgøta 13 • 100 Tórshavn • Faroe Islands • synergi@synergi.fo • Tel. +298 22RING (227464) • Fax. +298 322 FAX (322329)

Meiningin við Synergi er at geva føroyska samfelagnum íblástur og meirvitan. Soleiðis fáa vit eitt betri samfelag, betri fyritøkur og glaðari og enn meiri eldhugað starvsfólk.