Fleiri myndir frá Ársins Leiðaradegi 2011

klikka her! 

Finn Nørbygaard – Til lukku við tíni kreppu!
 

Finn Nørbygaard hevur havt nógva viðgongd í sínum lívi, men eisini so stóra mótgongd, at hann gjørdist tunglyntur. Hetta lýsir hann í bókini “Tillykke med din krise,” sum hann gav út í 2007. Í fyrilestrinum fer hann at greiða frá sínum uppvøkstri sum ættleitt barn í Esbjerg, hvussu hann hitti Jacob Haugaard, og hvussu hann fekk sálarkvøl av at arbeiða seg um koll.

Finn Nørbygaard greiðir eisini frá, hvussu hann misti allar sínar pengar, tá fyritøkan IT Factory fór á húsagang. Hevði hann ikki verið útbúgvin psykoterapeutur, hevði hann neyvan takklað kreppuna so væl, sum hann gjørdi.

Húsagangurin var ein dýrur lærupengi, og í dag takkar hann Stein Bagger, fyrrverandi stjóra í IT Factory, og Peter Straarup, forstjóra í Danske Bank, fyri lærupengan.

Finn Nørbygaard, er kendur danskur skemtari. Hann er útbúgvin lærari og psykoterapeutur umframt hann eisini er rithøvundur.
 

Karin Jessen – Motivatión og vitan skal tryggja arbeiðsgleði

Motivatión og vitan skal tryggja okkum arbeiðsgleði. Fokus er á at skapa eina samveru, har vit eru motiveraði at hjalpa hvør øðrum til at skapa framúr góð úrslit og samstundis hava ein innihaldsríkan og orkufullan arbeiðsdag.

Hvør einasti persónur á arbeiðsplássinum hevur sjálv/ur ábyrgd av, um arbeiðsumhvørvið er orkuríkt ella ikki. Er motivatiónin ikki til staðar, er kanska neyðugt at broyta bygnaðir og mannagongdir, so fyritøkan verður effektivari. Vit eiga at fanga hvønnannan í at motivera.

Karin Jessen, konsulentur í sálarfrøði og leiðslu, fer m.a. at tosa um, hvat fær fólk at fara á føtur um morgunin og møta upp til arbeiðis? Hvat motiverar okkum til at arbeiða, og hvat viðhvørt gevur okkum minni hug at arbeiða? Ein vitan, sum er alneyðug at hava hjá leiðarum. Fyrilesturin tekur støði í einari spildurnýggjari kanning millum 262 fólk.

TILBOÐ upp á bók
Karin Jessen hevur saman við Bo Zoffmann skrivað bókina: Motivation og ledelse. - vejen til glade medarbejdere og øget produktivitet. Í november 2011 varð bókin ummæld á borsen.dk og fekk hon heilar 4*. Bókin verður í DK seld fyri 475,00 kr., men í sambandi við leiðaradagin, kanst tú fáa bókina fyri 390,00 kr. og so kanst tú sjálvsagt eisini fáa bókina signeraða. Karin Jessen er partnari í konsulentfyritøkuni PS4.

Heini Zachariassen – Leiðarin skal verða trúboðari
 

Heini Zachariassen er íverksetari um ein háls, og í fimm ár var hann stjóri á fyritøkuni Bullguard, ið framleiðir teldu trygdarskipanir. Tá hesi fimm árini vóru liðin í 2008, fór fyritøkan av álvara at vinna pening, og tá helt stjórin, at stundin var komin at leita eftir nýggjum avbjóðingum. Soleiðis er lyndið í íverksetaranum.

Heini Zachariassen fer at greiða frá, hvussu umráðandi tað er, at leiðarin er ein fyrimynd. Syrgir leiðarin fyri at vera miðvísur og motiverandi, verða starvsfólkini eisini miðvís og motiverað. Leiðarin er sum ein trúboðari. Hann skal boða boðskapin um, at alt fer at ganga, um arbeiðið annars verður gjørt, og at leiðin framá er einasta gongda leiðin. Haraftrat skal leiðarin skapa álit og spjaða virkishug. Er leiðarin nærlagdur og fyrireikaður, verða starvsfólkini tað eisini.

3 fokusøkir hjá Heina innan leiðslu:

- Lyftir skulu haldast
- Tú mást verða ein fyrimynd
- Alt sum tú gjørt, síggja hini
 

Rune Green – Humor skapar arbeiðsgleði
 

Danski humoristurin Rune Green hevur skrivað leikrit, leikstjórnað og sjálvur staðið á palli, síðan hann var 16 ára gamal. Hann hevur samstarvað við so ymisk fólk sum klassiskar tónleikarar, lýsingarfólk, sjónleikarar og vinnulívsfólk úr ymsum vinnugreinum.

Rune Green er útbúgvin dramaturgur á universitetinum í Aarhus, har hann serliga hevði áhuga fyri, hvussu humor kann brúkast at bera fram boðskapir. Tá hann einaferð hevði hildið fyrilestur um humor á einum arbeiðsplássi, gáaði hann eftir, at leiðarar hava stóran áhuga fyri, hvussu humor kann skapa størri arbeiðsgleði og geva arbeiðsplássinum betri umdømi. 

Á sín undirhaldandi og sjálvspeiska hátt fer hann at vísa á, hvønn týdning humor hevur í gerandisdegnum, og hvussu t.d. eitt stuttligt klipp á YouTube kann fáa ein fund at enda við einum motiverandi láturbrøli.
 

CoastZone – ein forkunnug og ógloymandi uppliving

CoastZone North Atlantic er ein professionell føroysk fyritøka, ið strembar eftir at geva kundum sínum bestu upplivingarnar. Fyritøkan lagar upplivingarnar eftir ynskjum og tørvi hjá feløgum og fyritøkum, og í sambandi við Ársins Leiðaradag skipar CoastZone fyri forkunnugari uppliving, sum bara verður fyri luttakarum á Ársins leiðaradegi.

Í sambandi við spennandi tiltakið sleppur kappingarmenniskjað í summum uttan iva at standa sína roynd, men talan er ikki um vandamikið ella krevjandi tiltak.

Brynjið tykkum út til eina sera stuttliga løtu, áðrenn vit fara at reypa á afterparty!

Val av ársins leiðara 2012

Hvørt ár verða ársins privati og almenni leiðari útnevndir á Ársins leiðaradegi. Útnevningarnar fara fram soleiðis, at Synergi heitir á allar føroyingar um at tilnevna leiðarar til heiðurin. Ein serkøn dómsnevnd ger so av, hvør vinnur.

Treytin fyri at gerast ársins leiðari er, at tú ert ovasti stjóri í eini fyritøku, á einum stovni ella í einum felag. Tú kanst eisini hava víst góð leiðaraevni sum formaður ella forkvinna í eini nevnd.

Dentur verður í sambandi við útnevningarnar lagdur á, at leiðarin hevur víst áræði og dirvi, er nýhugsandi, hevur givið øðrum leiðarum íblástur og hevur markerað seg alment.