Share

17. & 18. september 2012

Sum hjálparfólk á dagstovni, hevur tú nógvar royndir við at arbeiða við børnum, men av og á følir tú kanska, at tær væntar vitan um títt øki og vitan um, hvussu tú skalt tackla ymiskar støður. Tú ynskir at gera títt arbeiði til vildar, men ert tó av og á í iva um, hvat tað besta er at gera, út frá einum námsfrøðiligum sjónarhornið.

Kundi tú hugsa tær at fingið meiri vitan um, hvussu børn mennast og fingið betur skil fyri barnaheiminum yvirhøvur? Og kundi tú hugsa tær, at fingið íblástur til, hvør tín serligi leiklutur kundi verið, í sambandi við námsætlanir og dagliga arbeiði á dagstovninum? 

Kom á skeið og fá innlit, vitan og íblástur til, hvussu tú kanst gera títt arbeiði uppaftur betur, til gagns fyri børnini á dagstovninum.

Vælkomin á skeiðið fyri hjálparfólk á dagstovni!
 

1 - 7 ár

Lær tað í dag
- og brúka tað beinanvegin!

Á skeiðinum fara vit at leggja dent á menningina hjá børnum í aldrinum 1-7 ár.

• Hvat eyðkennir teir ymisku aldrarnir?

• Hvørjar námsfrøðiligar uppgávur eru í samband við hetta?

Tú fert eisini at fáa innlit í, hvat eyðkennir tað dagliga virksemi á stovninum og hvussu dagurin er skipaður.

• Hvør er uppgávan hjá starvsfólkunum á einum dagstovni?

• Hvat eiga vit serliga at leggja til merkis í dagstovnalógini?
• Hví hava vit námsætlanir, hvussu eiga vit at nýta hesar til fyrimuns fyri børnini?
• Ymiskar námsfrøðiligar hugsanir
• Ymiskar sálarfrøðiligar hugsanir
• Hvat er barnamentan og hvussu kenna vit tær aftur?
• Hvørji námsfrøðilig amboð, eru neyðug og hent at kenna, tá tú arbeíðir á einum stovni?

Sum luttakari fært tú eina rúgvu av amboðum við tær heim, sum tú kanst brúka beinanvegin.

• Samskiftis amboð, sum eru vanlig at brúka til at menna samstarvið millum starvsfólki

• Námsfrøðilig amboð at brúka til málsliga menning hjá børnum

• Námsfrøðilig amboð at menna sosialu førleikarnir hjá børnum

• Amboð at brúka til at fyribyrgja happing

 Dagarnir eru skipaðir við fyrilestri, upplegg, filmi og samskiftið.
 

Skeiðleiðari

Poula Eidesgaard er útbúgvin námsfrøðingur og psykoterapeutur.

Hon hevur 20 ára drúgvar royndir sum ráðgevi hjá Børn og Ung í Tórshavnar Kommunu og eisini sum leiðari á dagstovni. Hon hevur hildið fleiri skeið, ráðlegginardagar og fyrilestrar til foreldrafundir á dagstovnum um t.d. samskiftið, samstarv, námsfrøðiligar hugsanir í dagligum virksemi á dagstovnum.

Skeiðið er ætlað til fólk sum arbeiða sum hjálparfólk á dagstovnum, tvs. fólk, ið arbeiða við børnum millum 1-7 ár.

Eisini er skeiðið ætla tær, sum kundi hugsa sær at arbeitt við børnum á dagstovni, eitt nú um tú umhugsar at skifta starv ella um tú ert arbeiðsleys/ur.

Tórshavn - Tvørgøta 13, ovast uppi.

Fitt av trappum eru upp til undirvísingarhølini. Hetta er gott fyri hjartað, men um tú hevur torført við at ganga trappur, so sig okkum endiliga frá;-)
 

17. & 18. september 2012 - kl. 09.00 - 15.30

kr. 2.550,00 u/MVG  (kr. 3.187,50 v/MVG) fyri 2 daga skeið

Íroknað kostnaðin er 2 daga skeið, skeiðstilfar, íblástur, meirvitan og møguleiki fyri at tosa við onnur við somu áhugamálum sum tú. Umframt sjálvt skeiðið fært tú morgunmat, miðmála og kaffi við onkrum afturvið.

Undirvíst verður á føroyskum

Treytir fyri frámelding
Møgulig frámelding skal verða skrivlig og hon skal stílast til Synergi og sendast til synergi@synergi.fo, ella faxast til 322 329.

Við frámelding verður roknað umsitingargjald á 10% av fullum skeiðsgjaldi fyri hvørja frámelding – tó í minsta lagi kr. 500,-.

Kemur frámeldingin seinni enn 30 dagar fyri skeiðsbyrjan verður roknað eitt gjald uppá 50% av fullum skeiðsgjaldi fyri hvørja frámelding. 21 dagar (ella seinni) fyri skeiðsbyrjan verður eingin afturgjalding. Um tær ikki ber til at vera við, so ert tú sjálvandi vælkomin at lata plássið til ein starvsfelaga.
 

Sí her!

Klikk her! - um tú ynskir at tilmelda teg og gjalda við VISA. Tað er nógv lættari ;-)

Klikk her! - um tú ynskir at tilmelda teg og fáa rokning.
NB! Minst til at rokning kemur fram á skermin beinanvegin.