Eitt skeið í samstarvi
millum Synergi og Confex

Share

25. mai 2012

NÚ
í Føroyum

Synergi og Confex
samstarva um bestu
skeiðini hjá teimum.

 
Tú hevur 7 sekund at geva lesaran ans – hugsa væl um, hvussu tú brúkar tey.

• Soleiðis skrivar tú seljandi tekstir, sum raka beint á málbólkin

• Lær ítøkiligar arbeiðshættir, sum draga fram boðskapin

• Fá mannagongdir, sum tú kann brúka alt fyri eitt

• Lær at brúka málið rætt, tá ið tú skrivar

Hetta skeið er m.o. til tín, sum skrivar faldarar, lýsingartekstir, tilboðsbrøv, tíðindaskriv ella vev-tekstir. Tú fært amboðini at orða tekstir, sum hóska til tørv málbólksins og sum selja tín boðskap.
 

Hetta skeið gevur tær hópin av hentum amboðum, sum tú kanst brúka, tá ið tú skalt skriva kveikjandi tekstir. “Skriva so tað selir” er eitt læruríkt og lætt skilt skeið um arbeiðshættir, sum tú kann brúka til at effektivisera og miðsøkja skriving tína.

Skrivligt samskifti verður alsamt meira týðandi í øllum tættum av arbeiðslívinum. Meira og meira samskifti er á skrivt og lesa vit eisini meira sum móttakarar. Tí er tað sera týðandi, at tú tíðliga vekir ans hjá móttakaranum, um tú vilt seta títt fingramerki og verða hoyrd/-ur.

Fá amboðini og byrja longu í dag
Umframt íblástur og skrivigleði fært tú ítøkilig amboð, sum hjálpa tær at skriva betur og og at raka beint í málbólkin. Millum annað:

• Vitan um ymsar hættir at byggja upp tekstir – ein einføld uppskrift við stórum virkningi

• Arbeiðsløg at hjálpa tær at fanga uppmerksemið hjá lesaranum

• Seljandi tekstir í ymsum greinum

• Snarskriviskeið til netið – fá boðskapin út

Skjót tilmelding verður viðmæld
Skeiðið er væl umtókt og talið av plássum er avmarkað. Tí viðmæla vit skjóta tilmelding. Melda til her!

Tú ert altíð vælkomin at seta teg í samband við okkum og fáa meira at vita um skeiðið. Ring á tel 322355 ella send t-post á synergi@synergi.fo.

Vit gleða okkum at bjóða tær og starvsfeløgum tínum til eitt hugvekjandi og læruríkt skeið

Við blíðum heilsanum
Synergi

Annika Andreasen og Ása Andreasen

Vælkomin og innføring av undirvísaranum Pernille Steensbech Lemée

Einføld uppskrift – stórt árin!
- Soleiðis málrættar tú títt samskifti – og rakar beint hvørjaferð
- Lær at brúka grundhugtøkini í retorikki, tá ið tú skrivar – alt um ethos, logos og pathos
- Kenn tín skrivistíl – hvat slag av høvundi ert tú?

Arbeiðshættir, sum hjálpa tær at fanga og varðveita ansin hjá lesaranum
- Legg títt samskifti til rættis – soleiðis skapar tú karmarnar um tín boðskap
- Soleiðis “krøkir” tú lesaran
- Raka málbólkin – lær at fokusera á tað, sum móttakarin skal fáa burturúr
- Sálarfrøðin handan skriviskipanina – myndlar, sum virka

Boðskapur og málstílur – hvussu brúkar tú málið rætt?
- Fá vitan um tær skrivireglur, sum gera, at teksturin er flótandi
- Soleiðis fært tú ein betri tekst – góðskutrygd og ritstjórning
- Vald og møguleikar í málinum – brúka tínar menningarmøguleikar

Seljandi tekstir í ymsum tekstgreinum
- At siga søgu – soleiðis skapar tú samkenslu
- Fá amboðini at skriva eitt gott sølubræv
- Soleiðis gert tú tíni tíðindabrøv til ómissiligan lesnað

Snarskriviskeið til netið
- Mangt av tí, sum vit skriva í dag, verður eisini lagt út á netið. Vit lesa tó úti við 40% seinni á
  skíggjanum, og stórir tekstir verða javnan ringir at fáa yvirlit yvir.
- Fylg einføldum reglum fyri at tað skal vera lætt at skriva og brúka
- Fá lættar leiðbeiningar um, hvussu tú skrivar á netinum – stutt og gott!

Skeiðið endar – takk fyri hesaferð!
 

• Undirvísingin byrjar kl. 09.00, møtið gjarna 5. min. áðrenn
• Matarsteðgur uml. kl. 12.00 - 13.00
• Undirvísingin endar kl. 16.00
• Steðgir við kaffi/te o.ø. leskiligum eru bæði fyrrapart og seinnapart

Skeiðleiðarar

Pernille Steensbach Lemée

Pernille verður høvuðsundirvísari og fer at leiða okkum gjøgnum dagin. Pernille er ein av dugnaligastu samskiftisserfrøðingunum í Danmark. Hon er cand.mag. í retorikki og films- og miðlavísindi av Lærda Háskúlanum í Kepmannahavn, og hevur m.a. verið í starvi sum menningarstjóri í Grandjean Kommunikation. Pernille er nú sjálvstøðugur samskiftisráðgevi og arbeiðir á strategiskum og praktiskum støði við bæði smáum og stórum fyritøkum.

Leif Láadal

Leif Láadal verður gestaundirvísari á degnum. Leif er sjálvstøðugur vinnurekandi, journalistur og teksthøvundur. Hann hevur m.a. arbeitt sum journalistur á Dimmalætting, Kringvarpi Føroya, Vinnuvitan og Rás 2, eins og hann í tíðarskeiðum hevur arbeitt nógv við lýsingum og lýsingartekstum.

Undirvísingarháttur
Skeiðið bjóðar til virkna luttøku og er grundað á upplegg, venjingar og sínamillum arbeiði.