11. november 2010
 Share

Miðalkarakterur:

Synergi hevur havt hetta skeið nakrar ferðir áður og eftirmetingarnar hava verið sera góðar:
10,2 í meðal (eftir 13 skala'inum).

Flextíð, avspáking, jarðarferðir, tannlækna, royking, menningarsamrøður...

Skabelón av starvsfólkahondbókini við tær á geyma!

Max. 16 luttakarar

Tann 11. november 2010 bjóða vit eitt skeið um uppbygging av eini starvsfólkahondbók. Kundi tú hugsað tær nakrar leiðbeinandi reglar, ið kundu hjálpt tær í hesum arbeiði, reglar ið hjálpa og stuðla undir framtíðarætlanunum hjá fyritøkuni. Reglar, ið bæði tú og starvsfólkini eru glað fyri. So er hetta skeiðið júst nakað fyri teg.

Flextíð, avspáking, jarðarferðir, tannlækna, royking, menningarsamrøður...
Somu spurningar stinga seg upp umaftur og umaftur - tú uppfinnur trúliga djúpa tallerkin hvørja ferð. Kanska eitt sindur ørg/argur, tí hvussu var tað nú, vit gjørdu seinast? Følir ikki, at tú ferð aftaná ferð kann brúka tíð og orku uppá somu spurningar. Ein starvsfólkahondbók gevur tær og tínum starvsfólkum nakrar leiðreglar at halda tykkum til, soleiðis at tit sleppa undan diskussiónum og kanska kegli um hópin av spurningum.

Ein starvsfólkahondbók kann brúkast bæði í sambandi við hvørjar reglar skulu verða galdandi á arbeiðsplássinum, og hvussu vit skulu menna starvsfólkini, fyri at fyritøkan/stovnurin skal røkka teimum málum, vit hava sett okkum.

Skabelón av starvsfólkahondbók við tær á geyma
Eingin orsøk at gera implementeringina truplari enn neyðugt. Tú fært ein geyma við einum dømi uppá konkreta starvsfólkahandbók við tær aftaná skeiðið. So er lagamanni at tillaga bókina, so hon hóskar júst til tykkara arbeiðspláss.

Skeiðið vendir sær til stjórar og leiðarar, ið hava ábyrgd av starvsfólkaleiðreglum og starvsfólkamenning í fyritøkum. Gott hugskot er, um fyritøkan luttekur við stjóra/leiðara og einum starvsfólki, tí so er møguligt at fáa eina fjølbroytta diskussión og implementeringin kann gerast lættari.

Majken Thykier, stjóri og ráðgevi i Team-up ApS, fer at hjálpa okkum at byggja upp eina starvsfóklahondbók. Majken hevur praktiskar royndir sum stjóri/leiðari innan human ressource, sølu, marketing, formidling og útbúgving. Hon hevur m.a. verið starvsfólka-/skrivstovuleiðari í Fólkatinginum, Christiansborg (350 starvsfólk). Her hevur hon eisini gjørt eina starvsfólkahondbók.

Nær er hondbókin optimal?

Skeiðið nemur við nógvar fasur í uppbyggingini av eini starvsfólkahondbók:

- Hví eiga vit at hava eina starvsfólkahondbók?
- Hvat skal standa í hondbókini, og hvussu skal hon byggjast upp fyri at vera ein góð uppslagsbók?
- Hvat hevur eitt nýtt starvsfólk tørv á at vita?
- Hvat hevur eitt starvsfólk javnan tørv á at kunna leita fram?
- Hvussu kann leiðarin nýta hondbókina?
- Hvussu kann starvsfólkahondbókin stuðla undir visiónir og strategi hjá fyritøkuni?
- Hvussu gera vit starvsfólkahondbókina máttmikla?
- Nær er hondbókin optimal?
- Hvussu vit fyribyrgja ósemjur millum persónlig áhugamál og áhugamál hjá fyritøkuni
  konstruktivt.
 

Skeiðleiðari

Um Team-up

Hjá Team-up ApS arbeiða tey við ráðgeving og rekruttering í fyritøkum, sum sjálvar ikki eru førar fyri at loysa uppgávur innan fyri t.d. starvsfólkafyrisiting. Tey kunnu eisini virka sum uttanveltaðir ráðgevar í leiðslubólkum í styttri ella longri tíðarskeið.

Nógv freelance starvsfólk eru knýtt at fyritøkuni, við førleikum innan hvør sítt serøki, so sum projektleiðslu, økonomi, starvsfólkafyrisiting og annað.

Team-up ger sítt til at økja um kappingarevnið hjá fyritøkuni, tey arbeiða fyri. Starvsfólkið í fyritøkuni fær betur tíð til at taka sær av kjarnuøkinum hjá fyritøkuni og harvið økist vinningsbýtið.

Team-up: "Set verk aftan fyri vøkru orð um, at starvsfólkini eru tað týdningarmesta í fyritøkuni. Tað ræður um at menna og halda uppá síni starvsfólk. "

Praktiskt

11. november 2010 - kl. 9.00-15.30 - Morgunmatur og skráseting frá 8.30 - 9.00.