Tak heystskránna niður her (pdf)!

30. september 2010

Sagt um skeiðið:

"Hann dugdi serstakliga væl at undirvísa og at fáa øll við. Hann skapti ein sera góðan og tryggan stemning."
 

"Eg dugi ikki at síggja, hvussu hetta kann gerast betri".

"Hóast vit komu inn á nógv evnir viðvíkjandi framløguteknikki, so var eisini farið í dýbdina við teimum".
 

"Gott at flexa millum framløgur og undirvísing - sera livandi"


 

Kundi tú hugsa tær at betra um tínar framløgur?
At kent teg tryggari í framløgustøðuni?

Skalt tú ofta ella av og á hava framløgur fyri eini fjøld? Fyri nevnd, stjórn, leiðslu, starvsfeløgum, almenninginum ella øðrum?  So er tað nú, tú hevur møguleikan at betra um førleikan og harvið kenna teg tryggari, tá tú skalt leggja fram.
 
Anders Stahlschmidt, fyrrverandi sjónvarpsvertur á TV2, og kendur fyri m.a. bøkurnar "Tag ordet - grib forsamlingen" og "Præsentationsteknik", er sera góður undirvísari við nógvum royndum. Nú hevur tú møguleika at koma á skeið hjá hesum roynda manni um framløguteknikk. Hann hevur havt skeiðið 3 ferðir áður í Føroyum og hevur fingið sera góðar eftirmetingar, so tú kanst veruliga gleða teg til skeiðið.

Fyrireiking og framløga av fakligum fyrilestrum, sum geva meining og festa seg
Vit venda okkum til onnur fyri at ávirka tey á einhvønn hátt. Tað er næstan gandakent, tá ið fólk við stórari vitan eisini duga at formidla hesa vitan víðari til onnur. Men hvussu ger man tað? Tað er ikki nokk bert at rigga powerpointkanónina til, seta 700 punkt á glærurnar og so bara tosa frítt frá livrini.

Faklig formidling til starvsfelagar og almenningin?
Á skeiðinum lærir tú at leggja fram tína vitan til áhoyrarar, sum hava somu fortreytir sum tú og áhoyrarar, sum ikki hava hesar fortreytir.

Fá innlit í, hvussu heilin fatar ein boðskap:
Hvussu kanst tú tryggja tær, at tað, sum tú sigur, festir seg? At tað verður so virkið, sum tú ynskir? Hvussu sleppur tú undan bermudatrýhyrninginum í PowerPointframløguni, har boðskapur og menniskju hvørva undir heilt? Fyrrverandi sjónvarpsverturin og rithøvundurin av fleiri bókum um samskifti, Anders Stahlschmidt, gevur tær nøkur góð ráð og nakrar einfaldar, munadyggar meginreglur.

Fyri at ávirka onnur, má tað, sum vit siga, geva meining. Boðskapurin má leggjast til rættis, soleiðis at fortreytirnar fyri tí, sum tú vilt siga, kemur í rættari raðfylgju. Brúkar tú PowerPointglærur,  kunnu tær hjálpa tær – treytað av, at tú leggur soleiðis til rættis, at tær fylla út í minsta lagi eina av hesum funkum: Tær skulu vekja spurningar, tær skulu beinanvegin kunna lesast og tær skulu tæna einum endamáli.

..kropsmál og ávirkan...

...far út um egin mørk og tak ræðið á pallinum...

...Lær at improvisera...

Á skeiðinum fara vit inn á hesi evni:

• Set eitt mál fyri framløguna
• Vanligu fellurnar: Bermudatrýhyrningurin og ein misskiljing av PowerPoint sum miðil
• Greining – soleiðis verður boðskapurin kókaður niður til ein supputerning
• Fatan – hvussu fatar málbólkurin boðskapin og hvussu virkar heilin, tá ið hann hevur ein fyrilestrarhaldara frammanfyri sær?
• Tilrættalegging og frásøguteknikkur – punkt á PowerPointglærum eru góð fyri tann, sum leggur fram, men ikki góð fyri áhoyraran. Lær teg aðrar frásøguhættir.
• Nýtsla av hjálpartólum – fá greiðu á, hvat sjónaramboð sum PowerPoint og Whiteboard kunnu og ikki kunnu – og hvussu ymisku amboðini verða best brúkt.
• Sáttmálin og samrøðan
• Kropsmál og ávirkan – brúka tað, sum tú hevur.
• Trúvirði og nærvera – ver var/-ur við áhoyrararnar og lat tey kenna á sær, at tú ert har.
• Far út um egin mørk og tak ræðið á pallinum.
• Hvat geri eg við atfinningarsamar áhoyrarar?
• Lær at improvisera – t.d. tá ið teknikkurin svíkir.

Anders starvast nú á fyritøkuni Lumholdt & Stahlschmidt Kommunikation

Praktiskt