|
Eitt sindur um ymisk stór
tiltøk
- sum Synergi hevur samskipað fyri
fyritøkur og stovnar
Eik 175 ár
Eitt tað størsta
tiltakið, sum Synergi hevur skipað fyri í 2007, er hátíðarveitslan hjá Eik, ið fylti 175 ár. Hátíðarveitslan var leygarkvøldið 25. august 2007 í
Tórshavnar Ítróttar- og Samkomuhøll. Uml. 800 gestir vóru bodnir til
veitsluna. Hetta var ein sera flott og stásilig veitsla við
alskyns undirhaldi, líka frá gestirnir komu, til tey fóru
heim.
Synergi legði - líka niður í minst smálutirnar - nógva orku í fyrireikingarnar, soleiðis
at tiltakið skuldi verða so gott sum yvirhøvur gjørligt.
Skulu vit siga tað sjálvar,
so eydnaðist tað avbera væl;-) Synergi hevur fingið sera
góðar afturmeldingar frá gestum og frá stýrisbólkinum
hjá Eik, sum stóð fyri veitsluni. Vit takka øllum, sum
hava verið við til at gjørt hesa veitslu verda at minnast í
nógv ár. Vit takka eisini Eik fyri at hava fingið
leiklutin sum verkætlanarleiðarar á hátíðarveitsluni og ynskja
teimum hjartaliga tillukku við teimum 175 árunum.
Føroya Banki 100 ár
Føroya Banki helt í oktober
fimm stórfingnar gallaveitslur fyri kundum bankans. Tær vóru
í ítróttarhallunum í Trongisvági, á Skála, í Klaksvík og
tvey kvøld í
Tórshavnar Ítróttar- og Samkomuhøll. Synergi var
samskipari av veitslunum og hevur í hesum sambandi samstarvað
við nógv fólk, eitt nú Boga Andreasen, leiðara
Margarinfabrikkini í Havn.
Nógvar fyrireikingar skulu til
fyri at fáa eitt so stórt tiltak upp at koyra, og vit hava
lagt nógva orku í at gera okkara part, soleiðis at tiltøkini
skuldu eydnast væl.
Nú tiltøkini eru av, eru vit
sera glaðar um, at tey hava fingið sera góðar eftirmetingar.
Vit takka fyrst og fremst Føroya Banka, ið lat Synergi
sleppa framat og so sjálvandi øllum teimum mongu, sum hava
havt teirra leiklut í fyrireikingunum - bæði on- og backstage.
Vit ynskja Føroya Banka til lukku við teimum 100 árunum.
Ráðið fyri Ferðslutrygd 30 ár
Í sambandi við at Ráðið
fyri Ferðslutrygd fylti 30 ár,
skipaði Synergi og Ráðið fyri Ferðslutrygd
fyri Lívsneyðugari ráðstevnu. Endamálið við ráðstevnuni var,
at fáa øll at gera sítt til, at ferðslutrygdin verður sett í
hásæti og at samstarv fæst í lag, soleiðis at arbeitt
verður so skipað og miðvíst sum gjørligt. Øll eiga vit at
taka ábyrgd - hvør á sínum øki.
Nógv fólk varð savnað saman í Norðurlandahúsinum at hoyra um
hetta álvarsmál. Um kvøldið varð galladøgurði fyri innbodnum.
Vit ynskja Ráðnum fyri Ferðslutrygd hjartaliga tillukku við
føðingardegnum og góða eydnu við arbeiðnum framyvir. |
